'ഗുണ്ടകളും ക്രിമിനലുകളും അക്രമങ്ങള് നടത്തുമ്പോൾ പോലീസ് സാധാരണക്കാരുടെ നെഞ്ചത്ത് കയറുകയാണ്'; മുഖ്യമന്ത്രി പിണറായി വിജയന് ആഭ്യന്തരവകുപ്പ് ഒഴിയുന്നതാണ് നല്ലതെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്

മാവേലി എക്സ്പ്രസിലെ യാത്രക്കാരനെ എഎസ്ഐ മര്ദിച്ച സംഭവം കേരളത്തിലെ പോലീസ് ഗുണ്ടായിസത്തിന്റെ അവസാനത്തെ ഉദാഹരണമാണെന്നു ബിജെപി സംസ്ഥാന അധ്യക്ഷന് കെ.സുരേന്ദ്രന്.
ആഭ്യന്തരമന്ത്രി നോക്കുകുത്തിയാണ്. ഗുണ്ടകളും ക്രിമിനലുകളും അക്രമങ്ങള് നടത്തുന്പോള് പോലീസ് സാധാരണക്കാരുടെ നെഞ്ചത്ത് കയറുകയാണ്. കടുത്ത മനുഷ്യാവകാശ ലംഘനമാണ് മാവേലി എക്സ്പ്രസില് ഉണ്ടായിരിക്കുന്നത്. തൊലിപ്പുറത്തെ ചികിത്സയല്ല കര്ശനമായ നടപടികളാണ് വേണ്ടത്. മുഖ്യമന്ത്രി പിണറായി വിജയന് ആഭ്യന്തരവകുപ്പ് ഒഴിയുന്നതാണ് നല്ലതെന്നും സുരേന്ദ്രന് പറഞ്ഞു.
https://www.facebook.com/Malayalivartha