സംസ്ഥാനത്ത് 15നും 18നും ഇടയില്‍ പ്രായമുള്ള കുട്ടികളുടെ വാക്സിനേഷന്‍ ഇന്ന് ആരംഭിച്ചു. ആദ്യദിനം സംസഥാനത്ത് 8,417 കുട്ടികള്‍ക്ക് കൊവിഡ് വാക്‌സിന്‍ നല്‍കിയതായി ആരോഗ്യ മന്ത്രി അറിയിച്ചു. കൊവാക്‌സിനാണ് കുട്ടികള്‍ക്ക് നല്‍കുന്നത്.ഏറ്റവും കൂടുതല്‍ കുട്ടികള്‍ക്ക് വാക്‌സിന്‍ നല്‍കിയത് തിരുവനന്തപുരം ജില്ലയാണ്. 9338 ഡോസ് വാക്‌സിന്‍ ജില്ലയില്‍ നല്‍കി.

കൊല്ലം ജില്ലയാണ് രണ്ടാം സ്ഥാനത്ത് ഉള്ളത്. 6868 പേര്‍ക്ക് വാക്‌സിന്‍ നല്‍കി. തൃശൂര്‍ ജില്ലയാണ് മൂന്നാം സ്ഥാനത്ത് ഉള്ളത്. 5018 പേര്‍ക്ക് വാക്‌സിന്‍ നല്‍കി. കുട്ടികള്‍ വാക്സിനേഷന്‍ കേന്ദ്രങ്ങളില്‍ എത്തിയത് വലിയ ഉത്സാഹത്തോടെയാണ്. നല്ല തിരക്കായിരുന്നു മിക്ക കേന്ദ്രങ്ങളിലും . തിരുവനന്തപുരം 9338, കൊല്ലം 6868, പത്തനംതിട്ട 1386, ആലപ്പുഴ 3009, കോട്ടയം 1324, ഇടുക്കി 2101, എറണാകുളം 2258, തൃശൂര്‍ 5018, പാലക്കാട് 824, മലപ്പുറം 519, കോഴിക്കോട് 1777, വയനാട് 1644, കണ്ണൂര്‍ 1613, കാസര്‍ഗോഡ് 738 എന്നിങ്ങനേയാണ് കുട്ടികള്‍ക്ക് വാക്‌സിന്‍ നല്‍കിയത്.