പെണ്കുട്ടികള് പിറന്നാല് എന്താ കുഴപ്പം... പെണ്കുട്ടികള് പിറന്നുവെന്ന കാരണത്താല് ഭര്ത്താവ് അവഗണിക്കുന്നുവെന്ന് പരാതി നല്കി യുവതി
പെണ്കുട്ടികള് പിറന്നുവെന്ന കാരണത്താല് ഭര്ത്താവ് അവഗണിക്കുന്നുവെന്ന് പരാതിയുമായി യുവതി വനിതാ കമ്മിഷനില്. പരാതിക്കാരിയുടെയും ഭര്ത്താവിന്റെയും വാദം കേട്ട കമിഷന് ഇരുവരെയും കൗണ്സെലിങ്ങിന് വിധേയരാക്കാന് തീരുമാനിച്ചു.
പരാതിക്കാരിയുടെ ആരോപണം എതിര്ക്ഷി പൂര്ണമായും നിഷേധിച്ചു. രണ്ടു വയസ്സും കഷ്ടിച്ച് ഒരു മാസവും പ്രായമുള്ള രണ്ട് കുഞ്ഞുങ്ങളുള്ള ഇരുപത്തിയഞ്ചുകാരിയാണ് പരാതി നല്കിയിരുന്നത്.
പെണ്കുട്ടി പിറന്നുവെന്ന കാരണത്താല് ഭര്ത്താവില് നിന്നും പരിഗണന ലഭിക്കുന്നില്ലെന്ന പരാതികള് ആധുനിക ലോകത്ത് ഇപ്പോഴും ഉയരുന്നത് സമൂഹത്തിനാകെ അപമാനകരമാണെന്ന് കമിഷന് അംഗം അഡ്വ. ഷിജി ശിവജി വിലയിരുത്തി. സ്ത്രീ പുരുഷ സമത്വം കുടുംബങ്ങളില് നിന്ന് ആരംഭിക്കണമെന്നും വിവേചനം ഇല്ലാതാക്കണമെന്നും സമൂഹം ഒന്നാകെ ചര്ച്ച ചെയ്യുന്ന സാഹചര്യമാണ് നിലവിലുള്ളതെന്നും അഡ്വ. ഷിജി ശിവജി ഓര്മിപ്പിച്ചു.
https://www.facebook.com/Malayalivartha
