പതിനേഴാം നൂറ്റാണ്ടില്‍ ആരംഭിച്ച പരീക്ഷണം അവസാനം വിജയത്തോടടുക്കുകയാണ്. വൈദ്യ ശാസ്ത്രത്തില്‍ ചരിത്രം കുറിച്ച് മനുഷ്യനില്‍ വച്ചുപിടിപ്പിച്ച പന്നിയുടെ ഹൃദയം ശരിയായി തുടിക്കുന്നു. പന്നികളുടെ ഹൃദയവാല്‍വുകള്‍ ഹൃദ്രോഗികളില്‍ ഉപയോഗിച്ചു വരുന്നുണ്ടെങ്കിലും ഹൃദയം മുഴുവനായി മാറ്റിവയ്ക്കുന്നത് ആദ്യമാണ്.

അമേരിക്കയിലെ യൂണിവേഴ്‌സിറ്റി ഓഫ് മെരിലാന്‍ഡ് മെഡിക്കല്‍ സ്‌കൂളിലെ ഡോക്ടര്‍മാരാണ് ശസ്ത്രക്രിയ നടത്തിയത്. ഡേവിഡ് ബെന്നറ്റ് എന്ന 57കാരനാണ് ഭാവിയില്‍ അനേകം മനുഷ്യരെ മരണമുഖത്ത് നിന്ന് ജീവിതത്തിലേക്ക് തിരിച്ചെത്തിക്കാനായേക്കാവുന്ന നിര്‍ണായക പരീക്ഷണത്തിന് വിധേയനായത്.

ജനിതകമാറ്റം വരുത്തിയ പന്നിയുടെ ഹൃദയമാണ് ഡോക്ടര്‍മാര്‍ തുന്നിച്ചേര്‍ത്തത്. ജനുവരി 8നായിരുന്നു ഒമ്പത് മണിക്കൂറോളം നീണ്ട ശസ്ത്രക്രിയ. മൂന്ന് ദിവസം പിന്നിട്ടിട്ടും ഡേവിഡ് ആരോഗ്യവാനായി തുടരുന്നതാണ് പ്രതീക്ഷയേകുന്നത്. ഡേവിഡ് എത്രകാലം പന്നിയുടെ ഹൃദയവുമായി ജീവിക്കുമെന്ന് വ്യക്തമല്ല.

മരണത്തോട് മല്ലടിച്ച ഡേവിഡിനെ രക്ഷിക്കാനുള്ള ഏക വഴിയായിരുന്നു ഈ ശസ്ത്രക്രിയ. ജനിതകമാറ്റം വരുത്തിയ മൃഗ ഹൃദയം മനുഷ്യശരീരം ഉടന്‍ തിരസ്‌കരിക്കില്ലെന്ന് ഈ ശസ്ത്രക്രിയ തെളിയിച്ചു. ഗവേഷണം 17ാം നൂറ്റാണ്ടു മുതല്‍17ാം നൂറ്റാണ്ടു മുതല്‍ സീനോട്രാന്‍സ്പ്ലാന്റേഷന്‍ , അഥവാ ക്രോസ് സ്പീഷീസ് ഓര്‍ഗന്‍ ഡൊണേഷന്‍ എന്ന ഈ മേഖലയുമായി ബന്ധപ്പെട്ട ഗവേഷണങ്ങള്‍ നടക്കുന്നുവരുന്നു. ഡേവിഡിന്റെ ശരീരവുമായി പൊരുത്തപ്പെടാത്ത നിരവധി ജീനുകളെ ഒഴിവാക്കിയും മനുഷ്യ ജീനുകളെ ഉള്‍പ്പെടുത്തിയും ജനിതകമാറ്റം വരുത്തിയ ഒരു വയസ് പ്രായമുള്ള പന്നിയുടെ ഹൃദയമാണ് മാറ്റിവയ്ക്കലിന് തിരഞ്ഞെടുത്തത്. വിര്‍ജീനിയ ആസ്ഥാനമായുള്ള റിവൈവികോര്‍ എന്ന ബയോടെക് സ്ഥാപനമാണ് ജനിതക എഡിറ്റിംഗ് നടത്തിയത്. മൃഗങ്ങളുടെ അവയവങ്ങള്‍ മനുഷ്യനില്‍ വച്ചുപിടിപ്പിക്കാനുള്ള ഗവേഷണത്തിലെ വന്‍ കുതിച്ചുചാട്ടമാണിത്.


ബാള്‍ട്ടിമോറിലെ മേരിലാന്‍ഡ് സര്‍വകലാശാലാ മെഡിക്കല്‍ സെന്ററിലെ ഡോക്ടര്‍മാര്‍ ഡേവിഡ് ബെന്നറ്റ് (60) എന്ന രോഗിയിലാണ് 3 ദിവസം മുന്‍പ് പരീക്ഷണ ശസ്ത്രക്രിയ നടത്തിയത്.ഡോ.ബാര്‍ട്‌ലി പി.ഗ്രിഫിത്ത്, ഡോ. മുഹമ്മദ് മുഹിയുദ്ദീന്‍ എന്നിവരുടെ നേതൃത്വത്തിലായിരുന്നു ശസ്ത്രക്രിയ.

ഇതുവരെ കുഴപ്പങ്ങളില്ലെന്നും പൂര്‍ണഫലം അറിയാന്‍ ഏതാനും ദിവസം കൂടി വേണമെന്നും ഡോക്ടര്‍മാര്‍ പറഞ്ഞു. യന്ത്രസഹായത്തോടെയാണ് ബെന്നറ്റിന്റെ ഹൃദയവും ശ്വാസകോശവും ഇപ്പോള്‍ പ്രവര്‍ത്തിക്കുന്നത്. ശസ്ത്രക്രിയ കഴിഞ്ഞയുടന്‍ തന്നെ അന്യജീവിയുടെ ഹൃദയത്തെ മനുഷ്യ ശരീരം നിരാകരിച്ചില്ലെന്നതു ശുഭസൂചനയാണ്. കടുത്ത ഹൃദ്രോഗം മൂലം മരണത്തിന്റെ വക്കിലെത്തിയ ആളാണു ബെന്നറ്റ്. മനുഷ്യ ദാതാവില്‍ നിന്നുള്ള ഹൃദയമോ ഹാര്‍ട്ട് പമ്പോ സ്വീകരിക്കാന്‍ അദ്ദേഹത്തിന്റെ ശരീരത്തിനു കഴിയാത്തതിനാല്‍ മറ്റു വഴികള്‍ ഇല്ലായിരുന്നു.

മൃഗങ്ങളില്‍ നിന്നു ഹൃദയം സ്വീകരിക്കാന്‍ നേരത്തെയും ശ്രമങ്ങളുണ്ടായിട്ടുണ്ട്. എന്നാല്‍, തുന്നിച്ചേര്‍ക്കുന്ന അവയവത്തെ മനുഷ്യശരീരം നിരാകരിക്കുന്ന 'സീനോട്രാന്‍സ്പ്ലാന്റ് റിജക്ഷന്‍' മൂലം ഇവ പരാജയപ്പെടുകയായിരുന്നു. ഈ നിരാകരണത്തിനു കാരണമായ 3 ജീനുകളെ പന്നിയുടെ കോശങ്ങളില്‍നിന്ന് എഡിറ്റിങ് വഴി നീക്കിയും അവയവത്തെ ശരീരവുമായി ഇണക്കുന്ന 6 ജീനുകളെ ഉള്‍പ്പെടുത്തിയുമായിരുന്നു പുതിയ പരീക്ഷണം. കഴിഞ്ഞ വര്‍ഷം പന്നിയുടെ വൃക്ക ഈ വിധം പരീക്ഷിച്ചിരുന്നു.

തിങ്കളാഴ്ച്ചയാണ് ശസ്ത്രക്രിയ നടന്നത്. ഏഴ് മണിക്കൂര്‍ നീണ്ട സങ്കീര്‍ണ്ണമായ ശസ്ത്രക്രിയക്കൊടുവിലാണ് പരീക്ഷണം വിജയിച്ചത്. അടുത്ത കുറച്ച് ആഴ്ച്ചകള്‍ വളരെ നിര്‍ണ്ണായകമാണെന്നും ബെന്നറ്റിന്റെ ആരോഗ്യം സസൂക്ഷ്മം നിരീക്ഷിച്ച് വരികയാണെന്നും ഡോക്ടര്‍മാര്‍ പറഞ്ഞു. ഇതുവരെ ആരോഗ്യ പ്രശ്‌നങ്ങളൊന്നും തന്നെ ഇല്ലെന്നും മരുന്നുകളോട് പ്രതികരിക്കുന്നുണ്ട്. അവയവദാനത്തിന്റെ ദൗര്‍ലഭ്യം പരിഹരിക്കാന്‍ ഇതു സഹായിച്ചേക്കുമെന്നാണ് വിലയിരുത്തല്‍.