മൂവാറ്റുപുഴയില് സി.പി.എം-കോണ്ഗ്രസ് പ്രവര്ത്തകര് തമ്മില് സംഘർഷം; കല്ലേറില് മൂവാറ്റുപുഴ എം.എല്.എ മാത്യു കുഴല്നാടനും പൊലീസ് ഉദ്യോഗസ്ഥര്ക്കും പരിക്ക്
മൂവാറ്റുപുഴയില് സി.പി.എം-കോണ്ഗ്രസ് പ്രവര്ത്തകര് തമ്മില് ഏറ്റുമുട്ടി. കോണ്ഗ്രസിന്റെ കൊടിമരം തകര്ത്തതിലുള്ള പ്രതിഷേധമാണ് സംഘര്ഷത്തില് കലാശിച്ചത്. കല്ലേറില് മൂവാറ്റുപുഴ എം.എല്.എ മാത്യു കുഴല്നാടനും പൊലീസ് ഉദ്യോഗസ്ഥര്ക്കും പരിക്കേറ്റു.
ആരുടെയും പരിക്ക് ഗുരുതരമല്ല. ധീരജ് കൊല്ലപ്പെട്ടതിന് പിന്നാലെ സി.പി.എം പ്രവര്ത്തകര് നടത്തിയ പ്രതിഷേധ പ്രകടനത്തിനിടെ മൂവാറ്റുപുഴയില് കോണ്ഗ്രസിന്റെ കൊടിമരം തകര്ത്തിരന്നു. ഇതില് പ്രതിഷേധിച്ച് കോണ്ഗ്രസ് നടത്തിയ പ്രതിഷേധ പ്രകടനം സി.പി.എം ഓഫിസിനു മുന്നിലെത്തിയതോടെ പ്രവര്ത്തകര് തമ്മില് വാക്കേറ്റമായി. പിന്നാലെ ചേരിതിരിഞ്ഞ് ഏറ്റുമുട്ടുകയായിരുന്നു.
വൈകീട്ട് അഞ്ചോടെയാണ് സംഘര്ഷമുണ്ടായത്. പുത്തന്കുരി ഡിവൈ.എസ്.പി അജയ്നാഥിന്റെ തലക്ക് പരിക്കേറ്റു. ഇദ്ദേഹത്തെ മൂവാറ്റുപുഴയിലെ സ്വകാര്യ ആശുപത്രിയില് പ്രവേശിപ്പിച്ചു. പിന്നാലെ നഗരത്തിന്റെ പല ഭാഗങ്ങളിലും സി.പി.എം-കോണ്ഗ്രസ് പ്രവര്ത്തകര് ഏറ്റുമുട്ടി.
https://www.facebook.com/Malayalivartha
