കള്ളപ്പണത്തെക്കുറിച്ച് വിവരം നല്‍കിയാല്‍ ഇനിമുതല്‍ 15 ലക്ഷം രൂപവരെ പാരിതോഷികം ലഭിക്കുമെന്ന് ആദായ നികുതി വകുപ്പ് കഴിഞ്ഞ ദിവസം പുറത്ത് വിട്ട മാര്‍ഗരേഖയില്‍ വ്യക്തമാക്കി.

രഹസ്യമായി നല്‍കുന്ന വിശ്വസനീയമായ വിവരങ്ങളുടെ അടിസ്ഥാനത്തില്‍ കണ്ടെത്തുന്ന തുകയുടെ 10 ശതമാനം നല്‍കാന്‍ പുതിയ മാര്‍ഗ രേഖയില്‍ വ്യവസ്ഥയുണ്ട്. എന്നാല്‍ കണ്ടെത്തുന്ന തുക എത്ര വലുതാണെങ്കിലും പാരിതോഷികം 15 ലക്ഷത്തില്‍ കൂടരുതെന്നും നിര്‍ദേശമുണ്ട്.

നിയമം അനുസരിച്ച് വിവരം നല്‍കുന്നവരുടെ പേരും മറ്റു വിവരങ്ങളും അതീവരഹസ്യമായി സൂക്ഷിക്കണമെന്നും നിര്‍ദേശമുണ്ട്. വിവരങ്ങളുടെ അടിസ്ഥാനത്തില്‍ കണ്ടെത്തുന്ന കള്ളപ്പണവുമായി ബന്ധപ്പെട്ട കാര്യങ്ങള്‍ കള്ളപ്പണ വിരുദ്ധ പ്രത്യേക സേന കൈകാര്യം ചെയ്യുമെന്ന് അധികൃതര്‍ പറഞ്ഞു. രാജ്യത്തിന്റെ വിവിധ ഭാഗങ്ങളിലായി നിയമത്തിന്റെ കണ്ണുവെട്ടിച്ച് സൂക്ഷിച്ചിരിക്കുന്ന കള്ളപ്പണം വീണ്ടെടുക്കാനും അങ്ങനെ സര്‍ക്കാരിന്റെ വരുമാനം വര്‍ധിപ്പിക്കാനുമാണ് പുതുക്കിയ മാര്‍ഗനിര്‍ദേശങ്ങള്‍ പുറപ്പെടുവിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha