സാമൂഹികപരമായ വിഷയങ്ങളിലും രാഷ്ട്രീയപരമായ വിഷയങ്ങളിലും തൻറേതായ അഭിപ്രായങ്ങൾ അറിയിക്കുന്ന വ്യക്തിയാണ് സന്തോഷ് പണ്ഡിറ്റ്. ഇപ്പോൾ ഇതാ അദ്ദേഹം കൈക്കൂലി കേസുമായി ബന്ധപ്പെട്ടുള്ള വിഷയത്തിൽ പ്രതികരണവുമായി രംഗത്ത് വന്നിരിക്കുകയാണ് അദ്ദേഹം . ഭാവിയിൽ പരീക്ഷക്ക് തയ്യാറെടുക്കുന്നവരും , നിലവിൽ നന്നായി പഠിക്കുന്ന കുട്ടികൾക്കും ഇത്തരം വാർത്തകൾ എത്രമാത്രം വേദനയാകും നൽകുക എന്ന സുപ്രധാനമായ ചോദ്യം അദ്ദേഹം ഉന്നയിക്കുന്നു.

അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ സാമൂഹ്യ നിരീക്ഷണം തുടർച്ചയായി അഴിമതി, കൈക്കൂലി വാർത്തകൾ വന്നു കൊണ്ടിരിക്കുന്ന പ്രമുഖ യൂണിവേഴ്സിറ്റി അതിൻെറ പേര് മാറ്റണം എന്ന് അഭ്യർത്ഥിക്കുന്നു. മഹാത്മാ ഗാന്ധി ജിയുടെ പേര് മാറ്റി ഏതേലും പാർട്ടിയുടെ ഏതെങ്കിലും നേതാവിന്റെ പേരിടണം. ഇപ്പോൾ കേരളത്തിൽ നിന്നുള്ള ഡിഗ്രികളുമായി മറ്റു സംസ്ഥാനങ്ങളിൽ ജോലിക്കു ചെന്നാൽ സംശയ ദൃഷ്ടി യോടെ ആണ് അവർ വീക്ഷിക്കുന്നത്. ഇത്തരം വാർത്തകൾ അവിടെയും എത്തുന്നു.

പണ്ടൊക്കെ കേരളത്തിൽ നിന്നുള്ള വിദാൃഭൃാസ ത്തിനു ഒരു നിലയും, വിലയും, നിലവാരവും മറ്റുള്ളവർ കല്പിച്ചിരുന്നു . അതെല്ലാം ഇത്തരത്തിലുള്ളവർ കളഞ്ഞു കുളിച്ചു . തോറ്റ കുട്ടികളെ ജയിപ്പിക്കുവാൻ കൈക്കൂലി ചോദിക്കുക , മാർക്ക് ദാനം ,പിഎസ്‌സി ചോദ്യ പേപ്പർ ചോർച്ച , പിൻവാതിൽ നിയമനം ഏതു പാർട്ടിക്കാർ ഭരിക്കുമ്പോൾ നടന്നാലും ഇവിടുത്തെ നന്നായി കഷ്ടപ്പെട്ടു പഠിക്കുന്ന കുട്ടികളുടെ മുഖമാണ് ഉടനെ മനസ്സിലേക്ക് വരിക .

ഭാവിയിൽ പരീക്ഷക്ക് തയ്യാറെടുക്കുന്നവരും , നിലവിൽ നന്നായി പഠിക്കുന്ന കുട്ടികൾക്കും ഇത്തരം വാർത്തകൾ എത്രമാത്രം വേദനയാകും നൽകുക . വിജിലൻസ് നേരിട്ട് പിടിച്ചിട്ടും ചില ഉദ്യോഗസ്ഥന്മാർ കുറച്ചു മാസങ്ങൾക്കു ശേഷം വീണ്ടും അതെ കസേരയിൽ എത്തുന്നു എന്നും വാർത്തകൾ ഉണ്ട് .

ക്യാഷ് കൊടുത്തു ജോലിക്ക് കയറി. ആ ക്യാഷ് വസൂലക്കാൻ കൈകൂലി എന്നതാണോ ഇത്തരം കൈക്കൂലികാരുടെ മനഃശാസ്ത്രം എന്ന് അറിയണം . എല്ലാ നിയമനങ്ങളുംപിഎസ്‌സിക്കു വിടുക . ഓർക്കുക , സാധരണക്കാർക്ക് നിയമ വ്യവസ്ഥകളിൽ വിശ്വാസം നഷ്ടപ്പെടും ..... എല്ലാ തെളിവോടും കൂടി വിജിലൻസ് പിടിക്കുന്നവരെ എങ്കിലും ജോലിയിൽ നിന്ന് പിരിച്ച് വിടുമോ ?

(വാൽകഷ്ണം .. പിടിക്കപ്പെട്ടാൽ രാഷ്ട്രീയക്കാർ , രാഷ്ട്രീയം നോക്കി രക്ഷിക്കും എന്ന തോന്നൽ ഉള്ളിടത്തോളം ഇതെല്ലാം തുടരും ..) (എടുക്കുമ്പോൾ ഒന്ന് , തൊടുക്കുമ്പോൾ നൂറു , തറക്കുമ്പോൾ ആയിരം ... ആയിരം സാംസ്കാരിക നായകന്മാർക്ക് അര പണ്ഡിറ്റ് .പണ്ഡിറ്റിനെ പോലെ ആരും ഇല്ല ).