ദിലീപിനും കൂട്ടാളികള്ക്കുമെതിരെയുള്ള കുറ്റം പ്രഥമ ദൃഷ്ട്യാ നിലനില്ക്കില്ലെന്ന് ഹൈക്കോടതി.. വിമര്ശനങ്ങള് നീതിന്യായ സംവിധാനത്തെക്കുറിച്ച് ധാരണയില്ലാത്തിനാലാണ്. പാതിവെന്ത വസ്തുതകള് കൊണ്ട് കോടതി നടപടികളെ ചോദ്യം ചെയ്യരുത്! കുറ്റം തെളിയിക്കുന്നതിനുള്ള തെളിവുകള് ഹാജരാക്കാന് പ്രോസിക്യൂഷനായിട്ടില്ല; കേസുമായി ബന്ധപ്പെട്ട് കോടതിക്കെതിരെ ഉയരുന്ന വിമര്ശനങ്ങളിൽ മറുപടി പറഞ്ഞ് കോടതി
ഗൂഢാലോചനകേസിൽ ദിലീപിനും കൂട്ടർക്കും ജാമ്യംകിട്ടിയതോടെ കോടതിയ്ക്ക് നേരെ വിമർശനം ഉയർന്നിരുന്നു. എന്നാൽ അതിനെതിരെ മറുപടിയുമായി രംഗത്തെത്തുകയാണ് കോടതിതന്നെ. വിമര്ശനങ്ങള് നീതിന്യായ സംവിധാനത്തെക്കുറിച്ച് ധാരണയില്ലാത്തിനാലാണ്. പാതിവെന്ത വസ്തുതകള് കൊണ്ട് കോടതി നടപടികളെ ചോദ്യം ചെയ്യരുതെന്നും കോടതി പറഞ്ഞു. അന്വേഷണ ഉദ്യോഗസ്ഥരെ അപായപ്പെടുത്താന് ഗൂഡാലോചന നടത്തിയെന്ന കേസില് ദിലീപിനും കൂട്ടാളികള്ക്കുമെതിരെയുള്ള കുറ്റം പ്രഥമ ദൃഷ്ട്യാ നിലനില്ക്കില്ലെന്ന് ഹൈക്കോടതി.
പ്രതികള് ഫോണുകള് ഹാജരാക്കാത്തത് നിസ്സഹകരണമായി കാണാനാവില്ല. കൈവശമുള്ള ഫോണുകള് പ്രതികള് ഹാജരാക്കിയിട്ടുണ്ടെന്ന് കോടതി പറഞ്ഞു. കുറ്റം തെളിയിക്കുന്നതിനുള്ള തെളിവുകള് ഹാജരാക്കാന് പ്രോസിക്യൂഷനായിട്ടില്ലെന്നും മുന്ജാമ്യം അനുവദിച്ച് കൊണ്ട് കോടതി ചൂണ്ടിക്കാട്ടി.
അഞ്ച് വ്യവസ്ഥകളിലാണ് ഹൈക്കോടതി ദിലീപിന് മുന്കൂര് ജാമ്യാപേക്ഷ നല്കിയത്. കേസില് അന്വേഷണവുമായി സഹകരിക്കണമെന്ന കര്ശന നിര്ദേശം കോടതി നല്കി. ഏതെങ്കിലും സാഹചര്യത്തില് അത് ലംഘിക്കപ്പെട്ടാല് പ്രോസിക്യൂഷന് അറസ്റ്റ് നടപടികള്ക്ക് വേണ്ടി കോടതിയെ സമീപിക്കാം. പ്രതികള് ഒരു ലക്ഷം രൂപയുടെ രണ്ട് ആള്ജാമ്യം എടുക്കണം. പാസ്പോര്ട്ട് കോടതിയില് സമര്പ്പിക്കണം, സാക്ഷികളെ സ്വാധീനിക്കാന് പാടില്ലെന്നും കോടതി അറിയിച്ചു. കേസില് ഒന്നാം പ്രതി ദിലീപ്, സഹോദരന് അനൂപ്, സഹോദരി ഭര്ത്താവ് ടിഎന് സുരാജ്, ഡ്രൈവര് അപ്പു, സുഹൃത്തുക്കളായ ബൈജു ചെങ്ങമനാട്, ശരത് എന്നിവര്ക്കാണ് കോടതി ഉപാധികളോടെ മുന്കൂര്ജാമ്യം അനുവദിച്ചത്.
https://www.facebook.com/Malayalivartha
