പതിനേഴുകാരി ആത്മഹത്യ ചെയ്ത സംഭവത്തില് ആണ് സുഹൃത്ത് പിടിയില്; പ്രതി പെണ്കുട്ടിയെ നിരന്തരം ഭീഷണിപ്പെടുത്തുകയും മാനസികമായി പീഡിപ്പിക്കുകയും ചെയ്തതായി പൊലീസ്
പതിനേഴുകാരി ആത്മഹത്യ ചെയ്ത സംഭവത്തില് ആണ് സുഹൃത്തിനെ പൊലീസ് പിടികൂടി. കല്ലമ്പ ലത്തിനടുത്ത് പെണ്കുട്ടി ആത്മഹത്യ ചെയ്ത സംഭവത്തിലാണ് കടയ്ക്കല് വെള്ളാര്വട്ട, ആലത്തറമല മാവിള പുത്തന്വീട്ടില് അഭില്ദേവ് (21) പൊലീസ് കസ്റ്റഡിയിലായത്. 2021 ഒക്ടോബര് 19നായിരുന്നു കേസിനാസ്പദമായ സംഭവം നടന്നതെന്ന് പൊലീസ് പറയുന്നു.
പെണ്കുട്ടിയുടെ മൃതദേഹത്തില് നിന്ന് കണ്ടെടുത്ത കത്തില് കണ്ട മൊബൈല് ഫോണ് വിവരങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് ആത്മഹത്യയില് അഭില്ദേവിന്റെ പങ്ക് വ്യക്തമായത്. പ്രതി പെണ്കുട്ടിയെ നിരന്തരം ഭീഷണിപ്പെടുത്തുകയും മാനസികമായി പീഡിപ്പിക്കുകയും ചെയ്തതായി പൊലീസ് അന്വേഷണത്തില് കണ്ടെത്തി. ഇതേത്തുടര്ന്ന് പള്ളിക്കല് പൊലീസ് അസ്വാഭാവികമരണത്തിന് കേസെടുത്ത് അന്വേഷണം നടത്തി. ഇതിനിടെ പൊലീസിനെ വെട്ടിച്ചുകടന്ന യുവാവിനെ കഴിഞ്ഞ ദിവസം പൊലീസ് പിടികൂടുകയായിരുന്നു.
പള്ളിക്കല് സി.ഐ പി. ശ്രീജിത്തിന്റെ നേതൃത്വത്തില് എസ്.ഐ എം. സഹില്, എ.എസ്.ഐ അനില്കുമാര്, സീനിയര് സി.പി.ഒ മനോജ്, സി.പി.ഒമാരായ സന്തോഷ്, ഷമീര് എന്നിവരടങ്ങുന്ന പൊലീസ് സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
https://www.facebook.com/Malayalivartha
