സ്വര്ണ്ണ കടത്ത് കേസില് പ്രാഥമിക പരിശോധന മാത്രം നടത്തി റിപ്പോര്ട്ട് സമര്പ്പിക്കാന് കേന്ദ്ര ആഭ്യന്തര മന്ത്രാലയം ഇ ഡി ക്ക് നിര്ദ്ദേശം നല്കി
സ്വര്ണ്ണക്കടത്ത് കേസില് പഴയ മോഡല് കുളംകലക്കല് ഇക്കുറിയില്ല. മുഖ്യമന്ത്രിയെയും സി പി എമ്മിനെയും തത്കാലം വെറുതെ വിടാനാണ് കേന്ദ്ര സര്ക്കാറിന്റെ തീരുമാനം. ആവശ്യമില്ലാത്ത ആവേശമുയര്ത്തി മുഖ്യമന്ത്രിയുടെ ഇമേജ് വര്ധിപ്പിക്കാന് ബി ജെപി ക്ക് പദ്ധതിയില്ല.
സ്വര്ണ്ണ കടത്ത് കേസില് പ്രാഥമിക പരിശോധന മാത്രം നടത്തി റിപ്പോര്ട്ട് സമര്പ്പിക്കാന് കേന്ദ്ര ആഭ്യന്തര മന്ത്രാലയം ഇ ഡി ക്ക് നിര്ദ്ദേശം നല്കി.പ്രാഥമിക റിപ്പോര്ട്ട് ലഭിച്ച ശേഷം മതി കൂടുതല് അന്വേഷണം എന്നാണ് കേന്ദ്ര സര്ക്കാര് നല്കിയിരിക്കുന്ന നിര്ദ്ദേശം. അതിന് മുമ്പ് കേന്ദ്രത്തിന്റെ അംഗീകാരം. വാങ്ങിയിരിക്കണം-
സ്വര്ണ്ണക്കടത്ത് കേസിലെ മെറിറ്റിനെക്കാള് കൂടുതല് അന്വേഷണ ഏജന്സികള് മുഖ്യമന്ത്രിയെ കുടുക്കാന് ശ്രമിച്ചെന്ന രാഷ്ട്രീയമായിരിക്കും അന്വേഷിക്കുക. പക്ഷേ പഴയതു പോലെ ആനയും അമ്പാരിയും ഇറക്കി പിണറായിയുടെ ഇമേജ് വര്ധിപ്പിക്കില്ല.
സ്വര്ണ്ണക്കടത്ത് കേസില് സ്വപ്ന സുരേഷിന്റെ വിവാദ വെളിപ്പെടുത്തലില് കേന്ദ്ര ഏജന്സികള് വീണ്ടും അന്വേഷണത്തിന് നാളെ ചോദ്യംചെയ്യലിന് ഹാജരാകാന് സ്വപ്ന സുരേഷിന് ഇഡി സമന്സ് അയച്ചു.
കസ്റ്റഡിയില് ഇരിക്കെ ഫോണ് സംഭാഷണം റെക്കോര്ഡ് ചെയ്ത് പുറത്തുവിട്ടതിലാണ് അന്വേഷണം. മുഖ്യമന്ത്രിയെ കുടുക്കാന് ദേശീയ അന്വേഷണ ഏജന്സികള് സമ്മര്ദ്ദം ചെലുത്തിയെന്ന തന്റെ ഓഡിയോ ശിവശങ്കറിന്റെ തിരക്കഥയെന്നായിരുന്നു സ്വപ്നയുടെ തുറന്ന് പറച്ചില്. ഈ ഫോണ് റെക്കോര്ഡിന് പിന്നിലെ ഗൂഢാലോചന ആരുടേതാണെന്നാണ് അന്വേഷിക്കുക.
സ്വര്ണ്ണക്കടത്ത് കേസില് മുഖ്യമന്ത്രിയെ വലിച്ചിഴക്കാന് അന്വേഷണ ഏജന്സികള്ക്ക് മേല് സമ്മര്ദ്ദം ഉണ്ടായെന്നായിരുന്നു എം ശിവശങ്കര് ആത്മകഥയില് പറഞ്ഞത്. തന്നെ അറസ്റ്റ് ചെയ്താല് മുഖ്യമന്ത്രിക്കെതിരെ മൊഴി കിട്ടുമെന്ന് ഏജന്സികള് കരുതി. കേസില് താനാണ് കിംഗ് പിന് എന്ന് അഡീഷനല് സോളിസിറ്റര് ജനറല് ഹൈക്കോടതിയില് കള്ളം പറഞ്ഞു. നയതന്ത്രബാഗേജ് കസ്റ്റംസ് തടഞ്ഞുവെച്ചപ്പോള് സ്വപ്ന സഹായം ചോദിച്ചെങ്കിലും നല്കിയില്ലെന്നും ശിവശങ്കര് പുസ്തകത്തില് പറയുന്നു. ഇതെല്ലാം നിഷേധിച്ചു കൊണ്ടാണ് സ്വപ്ന രംഗത്തിറങ്ങിയത്.
ഇ.ഡി.തന്നെയാണ് അവരുടെ മേലധികാരികളുടെ ശ്രദ്ധയില് ശിവശങ്കറിന്റെ പുസ്തകം കൊണ്ടുവന്നത്. ഇ.ഡി.മേധാവി തന്നെയാണ് അന്വേഷണത്തിന് അനുമതി നല്കിയത്.
അതേ സമയം ഇ.ഡിയെ കാണിച്ച് രംഗം കൊഴുപ്പിക്കാന് കോണ്ഗ്രസ് ശ്രമിക്കുന്നുണ്ട്. എന്നാല് പിണറായിക്ക് കൂടുതല് നേട്ടമുണ്ടാക്കാന് അവസരം നല്കില്ലെന്നാണ് ബി ജെ പി തീരുമാനിച്ചത്.
കഴിഞ്ഞ തവണ സ്വര്ണ്ണക്കടത്ത് ആരോപണം വന്ന സാഹചര്യമല്ല ഇപ്പോഴുള്ളത്. ബി ജെ പി നേതാക്കള്ക്ക് സി പി എം നേതാക്കളോട് പഴയതു പോലെ വിരോധമില്ല.
ശിവശങ്കരനെ വീണ്ടും ഇറക്കി പഴയ പീഡന കഥകള് ഉയര്ത്തി കൊണ്ടുവരാന് പിണറായി വിജയന് ശ്രമിക്കുകയാണോ എന്ന സംശയവും ബി ജെ പി ക്ക് ഇല്ലാതില്ല. ഒരു രക്ത സാക്ഷി പരിവേഷമുണ്ടാക്കാന് പിണറായി ശ്രമിക്കുകയാണെന്ന സംശയമാണ് കേന്ദ്രത്തിനുള്ളത്. ഇല്ലെങ്കില് ഒരു പ്രകോപനവുമില്ലാതെ ശിവശങ്കരന് പുസ്തകം എഴുതുമായിരുന്നില്ലെന്ന് കേന്ദ്ര സര്ക്കാര് കരുതുന്നു.
https://www.facebook.com/Malayalivartha
