ശിരോവസ്ത്ര വിവാദം വലിയൊരു ക്രമസമാധാനപ്രശ്‌നമായി മാറിയിരിക്കെ ഇതുസംബന്ധിച്ച് ഹൈക്കോടതി ഇന്നു വിധി പുറപ്പെടുവിച്ചേക്കും.

ശിരോവസ്ത്രം നിരോധിച്ച കോളജ് അധികൃതരുടെ തീരുമാനത്തിനെതിരേ ഉഡുപ്പി ഗവ. പിയു കോളജിലെ അഞ്ചു വിദ്യാര്‍ഥിനികള്‍ സമര്‍പ്പിച്ച ഹര്‍ജിയില്‍ ഇന്നലെ വാദം കേട്ട ഹൈക്കോടതി സമാധാനം പുനഃസ്ഥാപിക്കാന്‍ എല്ലാവരും ശ്രമിക്കണമെന്ന് അഭ്യര്‍ഥിച്ചു.

യൂണിഫോം സംബന്ധിച്ച് ഭരണഘടന പറയുന്നത് എന്താണോ അതനുസരിച്ച് കോടതിയും തീരുമാനമെടുക്കുമെന്ന് ജസ്റ്റീസ് ദീക്ഷിത് കൃഷ്ണ ഷ്രിപാദിന്റെ നേതൃത്വത്തിലുള്ള ഡിവിഷന്‍ ബെഞ്ച് വ്യക്തമാക്കി.


ശിരോവസ്ത്രം ധരിക്കണമെന്ന് ഖുറാനില്‍ ഏതുഭാഗത്താണ് നിര്‍ദേശിക്കുന്നതെന്ന് ആരാഞ്ഞ കോടതി പ്രസ്തുത ഭാഗത്തിന്റെ പകര്‍പ്പ് കോടതി ലൈബ്രറിയില്‍ നിന്ന് ലഭ്യമാക്കാനും വായിക്കാനും പ്രതിഭാഗത്തോട് ആവശ്യപ്പെട്ടു.