സംസ്ഥാനത്ത് ഒന്ന് മുതല് ഒമ്പത് വരെ ക്ലാസുകള് 14 നു വീണ്ടും ആരംഭിക്കുന്ന പശ്ചാത്തലത്തില് സ്കൂളുകളില് ശുചീകരണ പ്രവര്ത്തനങ്ങള് നടത്തും
സംസ്ഥാനത്ത് ഒന്ന് മുതല് ഒമ്പത് വരെ ക്ലാസുകള് 14 നു വീണ്ടും ആരംഭിക്കുന്ന പശ്ചാത്തലത്തില് സ്കൂളുകളില് ശുചീകരണ പ്രവര്ത്തനങ്ങള് നടത്തും.
കഴിഞ്ഞ തവണ സ്കൂള് തുറക്കുമ്പോള് പുറത്തിറക്കിയ മാര്ഗരേഖ അനുസരിച്ചു തന്നെയാകും ഇത്തവണയും സ്കൂളുകള് തുറക്കുക. ഓഫ്ലൈന്, ഓണ്ലൈന് രൂപത്തില് ക്ലാസുകള് ഉണ്ടാകും.
പരീക്ഷാ തീയതികളില് മാറ്റമില്ല. മോഡല് പരീക്ഷ നേരത്തെ നിശ്ചയിച്ച പ്രകാരം മാര്ച്ച് 16 ന് ആരംഭിക്കും. സ്കൂള് തുറക്കുന്നതുമായി ബന്ധപ്പെട്ട് ഇന്നലെ മന്ത്രി വി. ശിവന്കുട്ടിയുടെ അധ്യക്ഷതയില് ഉന്നതതല യോഗം ചേര്ന്നു. നിശ്ചയിച്ച പാഠഭാഗങ്ങളില് എത്ര പഠിപ്പിച്ചു എന്നത് യോഗം വിലയിരുത്തി.
പത്താം ക്ലാസില് 90% വും ഹയര് സെക്കന്ഡറിയില് 75 % വും പാഠഭാഗങ്ങള് പഠിപ്പിച്ചതായി ഉദ്യോഗസ്ഥര് മന്ത്രിയെ അറിയിച്ചു. സമയബന്ധിതമായി പാഠഭാഗങ്ങള് പഠിപ്പിച്ചുതീരാത്ത വിദ്യാലയങ്ങള് അധിക ക്ലാസ് നല്കി പാഠങ്ങള് പഠിപ്പിച്ചു തീര്ക്കണം. പഠനവിടവ് ഉണ്ടായിട്ടുണ്ടെങ്കില് അത് നികത്താനുള്ള നടപടികള് കൈക്കൊള്ളും
"
https://www.facebook.com/Malayalivartha
