കണ്ണൂരില് ഡി.സി.സി ജനറല് സെക്രട്ടറിക്ക് വെട്ടേറ്റു; വെട്ടേറ്റത് കെ.റെയില്വിരുദ്ധസമരത്തിന് നേതൃത്വം നല്കുന്ന രാജീവന് എളയാവൂരിന്; ആക്രമണത്തിന് പിന്നിൽ ലഹരിമാഫിയയെന്ന് സംശയം
കണ്ണൂരില് കെ.റെയില്വിരുദ്ധസമരത്തിന് നേതൃത്വം നല്കിവരുന്ന ഡി.സി.സി ജനറല് സെക്രട്ടറിക്ക് ലഹരിവില്പനക്കാരുടെ വെട്ടേറ്റു. ലഹരിമാഫിയ ലഹരിമാഫിയക്കെതിരെ പ്രതികരിച്ചതിന്റെ പേരില് ഡിസിസി ജനറല് സെക്രട്ടറി രാജീവന് എളയാവൂരിനെയാണ് കൊടുവാള് കൊണ്ടു തലയ്ക്ക് വെട്ടിപരുക്കേല്പ്പിച്ചത്. ഞായറാഴ്ച്ച രാത്രി പൊടിക്കുണ്ടിലെ വീട്ടിലേക്കു മടങ്ങുന്നതിനിടെയാണ് രാജീവന് അക്രമിക്കപ്പെടുന്നത്.
പ്രദേശത്തെ ലഹരിവില്പ്പനയ്ക്കെതിരെ പൊലിസില് രാജീവന് പരാതിപ്പെടുകയും പ്രദേശത്തെ രണ്ടുപേരെ കസ്റ്റഡിയിലെടുക്കുകയും ചെയ്തിരുന്നു. ഇതിന്റെ വൈരാഗ്യത്തില് പ്രദേശത്തെ ലഹരിവില്പ്പനക്കാരനായ രാജീവനെന്നയാള് തടഞ്ഞുനിര്ത്തുകയും കൊടുവാള് കൊണ്ടു കഴുത്തിനു നേരെ വീശുകയുമായിരുന്നു.
രാജീവന് എളയാവൂര് ഒഴിഞ്ഞു മാറിയതിനാല് വെട്ടു കഴുത്തിനു കൊണ്ടില്ല. തലയ്ക്കു സാരമായി മുറിവേറ്റിട്ടുണ്ട്. അക്രമത്തില് പരിക്കേറ്റ് കണ്ണൂര് കൊയിലി ആശുപത്രിയില് കഴിയുന്ന രാജീവനെ അഡ്വ. മാര്ട്ടിന് ജോര്ജ്ജ്, മേയര് ടി.ഒ മോഹനന്, സതീശന് പാച്ചേനി, എംപി രാജേഷ് തുടങ്ങിയ നേതാക്കള്സന്ദര്ശിച്ചു. ആക്രമത്തില് ഡിസിസി പ്രസിഡന്റ് അഡ്വ മാര്ട്ടിന് ജോര്ജ് പ്രതിഷേധിച്ചു.
കഞ്ചാവും മദ്യവും വില്പ്പന നടത്തുന്ന സംഘത്തെ കുറിച്ച് പൊലീസില് പരാതി പറഞ്ഞുവെന്ന സംശയത്തിലാണ് രാജീവനെ ഈ സംഘത്തില് പെട്ടവര് ആക്രമിച്ചത്. ലഹരി മാഫിയക്കെതിരേ പൊലീസില് പരാതി നല്കിയാല് അവര്ക്കുണ്ടാകുന്ന അനുഭവമെന്തെന്ന് പൊതുസമൂഹത്തെ ബോധ്യപ്പെടുത്താനാണ് രാജീവനെതിരേ അക്രമം നടത്തിയത്. അക്രമികള്ക്കെതിരേ ശക്തമായ നടപടിയുണ്ടാകണമെന്നും കണ്ണൂരില് വേരുറപ്പിക്കുന്ന ലഹരിമാഫിയയെ നിയന്ത്രിക്കാന് പൊലിസ് അധികൃതര് തയ്യാറാകണമെന്നും മാര്ട്ടിന് ജോര്ജ് ആവശ്യപ്പെട്ടു.
https://www.facebook.com/Malayalivartha
