റോഡിലെ കുഴി വെട്ടിക്കാന്‍ ശ്രമിക്കുന്നതിനിടെ ബൈക്കില്‍ നിന്നും തെറിച്ച്‌ വീണ് വീട്ടമ്മക്ക് ദാരുണാന്ത്യം.അയനിക്കാട് ചുള്ളിയില്‍ രാജന്റെ ഭാര്യ ഷൈലജ (52)യാണ് മരിച്ചത്.വെള്ളിയാഴ്ച രാവിലെ ഒമ്ബതോടെ കിഴൂര്‍ തുറശ്ശേരികടവിന് സമീപം ഉല്ലാസ് നഗറിലാണ് അപകടമ​ുണ്ടായത്. മകളുടെ വീടിന്റെ തറക്കല്ലിടലിന് മകന്റെ കൂടെ ബൈക്കില്‍ പോകുമ്ബോള്‍ ആയിരുന്നു അപകടം. റോഡിലെ കുഴി വെട്ടിച്ചെടുക്കുന്നതിനിടെ ഷൈലജ ബൈക്കില്‍ നിന്ന് തെറിച്ചു വീഴുകയായിരുന്നു.

ഉടന്‍ വടകര സഹകരണ ആശുപത്രിയിലും തുടര്‍ന്ന് കോഴിക്കോട്ടെ സ്വകാര്യ ആശുപത്രിയിലും എത്തിച്ചെങ്കിലും മരിച്ചു. മക്കള്‍: സനൂപ്, ഷൈജ, വിഘ്നേഷ്. മരുമക്കള്‍: അഖിന, വിജീഷ്. മൃതദേഹം ശനിയാഴ്ച ഉച്ചയ്ക്ക് പന്ത്രണ്ടിന് വീട്ടുവളപ്പില്‍ സംസ്കരിക്കും.