സംസ്ഥാന ചലച്ചിത്ര അക്കാദമി അഞ്ചുവരെ കൊച്ചിയില് സംഘടിപ്പിക്കുന്ന പ്രാദേശിക രാജ്യാന്തര ചലച്ചിത്രമേളയ്ക്ക് ഇന്ന് തിരശീല ഉയരും... ഇന്നുരാവിലെ ഒമ്പതിന് സരിത തീയേറ്ററില് നടക്കുന്ന ഉദ്ഘാടന ചടങ്ങില് നടന് മോഹന്ലാല് മേളയ്ക്കു തിരിതെളിക്കും
സംസ്ഥാന ചലച്ചിത്ര അക്കാദമി അഞ്ചുവരെ കൊച്ചിയില് സംഘടിപ്പിക്കുന്ന പ്രാദേശിക രാ ജ്യാന്തര ചലച്ചിത്രമേളയ്ക്ക് ഇന്ന് തിരശീല ഉയരും.
26ാമത് ഐഎഫ്എഫ്കെയില് ശ്രദ്ധേയമായ 70 ചിത്രങ്ങള് സരിത, സവിത, കവിത തിയേറ്ററുകളിലായി നടക്കുന്ന മേളയില് പ്രദര്ശിപ്പിക്കും.
സുവര്ണചകോരം ലഭിച്ച ക്ലാരാ സോള, പ്രേക്ഷകപ്രീതി ഉള്പ്പെടെ മൂന്നു പുരസ്കാരങ്ങള് ലഭിച്ച കൂ ഴങ്കല്, മികച്ച സംവിധായകനുള്ള രജത ചകോരം നേടിയ കമീല കംസ് ഔട്ട് റ്റുനൈറ്റ്, ഫിപ്രസ്കി, നെറ്റ്പാക് പുരസ്കാരങ്ങള് നേടിയ ആവാസവ്യൂഹം, നിഷിദ്ധോ, കുമ്മാട്ടിയുടെ റെസ്റ്ററേഷന് ചെയ്ത പതിപ്പ് തുടങ്ങിയ ചിത്രങ്ങളാണ് പ്രദര്ശിപ്പിക്കുക.
അധ്യാപികയുടെ ജീവിത പോരാട്ടത്തിന്റെ കഥ പറയുന്ന രഹന മറിയം നൂര് ആണ് ഉദ്ഘാടനചിത്രം. ഇന്നുരാവിലെ ഒമ്പതിന് സരിത തീയേറ്ററില് നടക്കുന്ന ഉദ്ഘാടന ചടങ്ങില് നടന് മോഹന്ലാല് മേളയ്ക്കു തിരിതെളിക്കും.
മന്ത്രി സജി ചെറിയാന്റെ അധ്യക്ഷതയില് നടക്കുന്ന ചടങ്ങില് മുഖ്യാതിഥിയായി എഴുത്തുകാരന് എന് .എസ്. മാധവനാണ് . ടി.ജെ വിനോദ് എംഎല്എ ഫെസ്റ്റിവല് ഹാന്ഡ് ബുക്കും കൊച്ചി മേയര് എം.അനില് കുമാര് ഫെസ്റ്റിവല് ബുള്ളറ്റിനിന്റെ പ്രകാശനവും നടത്തും.
സംഘാടക സമിതി ചെയര്മാന് ജോഷി, ചലച്ചിത്ര അക്കാദമി ചെയര്മാന് രഞ്ജിത്, സെക്രട്ടറി സി. അജോയ്, വൈസ് ചെയര്മാന് പ്രേംകുമാര്, ആര്ട്ടിസ്റ്റിക് ഡയറക്ടര് ബീനാപോള് എന്നിവര് മേളയില് പങ്കെടുക്കും .
"
https://www.facebook.com/Malayalivartha
