ആധുനിക സൗകര്യങ്ങളോടുകൂടിയ ഇ കെ നായനാര്‍ മെമ്മോറിയല്‍ മ്യൂസിയം ഏപ്രില്‍ മൂന്നിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുമെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഏപ്രില്‍ മൂന്നിന് വൈകുന്നേരം 3.30നാണ് ഉദ്ഘാടനം ചെയ്യുക.

മ്യൂസിയം തയ്യാറാക്കിയത് ആധുനിക സൗകര്യങ്ങളോടെയാണ്െന്നും പാര്‍ട്ടി കോണ്‍ഗ്രസിന് കഴിഞ്ഞ് ഏപ്രില്‍ 11 ശേഷം മാത്രമാണ് മ്യൂസിയത്തില്‍ പൊതു ജനങ്ങള്‍ക്ക് പ്രവേശനമുണ്ടാവുകയുള്ളൂ അദ്ദേഹം അറിയിച്ചു.

ഏപ്രില്‍ നാലിന് തന്നെ പാര്‍ട്ടി കോണ്‍ഗ്രസിനായി ജനറല്‍ സെക്രട്ടറി സീതാറാം യെച്ചൂരി എത്തുമെന്ന് കോടിയേരി അറിയിച്ചു. ഏപ്രില്‍ അഞ്ചോടെ എല്ലാ പോളിറ്റ് ബ്യൂറോ അംഗങ്ങളും കണ്ണൂരിലെത്തും. അഞ്ചിന് വൈകുന്നേരം നാലിന് പോളിറ്റ് ബ്യൂറോ യോഗം ചേരുമെന്നും അദ്ദേഹം പറഞ്ഞു.

അതേസമയം സ. ഇ കെ നായനാര്‍ ഉപയോഗിച്ച പഴയ റേഡിയോ, എഴുത്തുകള്‍, പുസ്തകങ്ങള്‍ എന്നിവ ഇനി നായനാര്‍ മെമ്മോറിയല്‍ മ്യൂസിയത്തിന് സ്വന്തമായി. തിരുവനന്തപുരം എ കെ ജി സെന്ററില്‍ നടന്ന ചടങ്ങില്‍ ഇ കെ നായനാരുടെ മകന്‍ കൃഷ്ണകുമാര്‍ കോടിയേരി ബാലകൃഷ്ണന് വസ്തുക്കള്‍ കൈമാറിയിരുന്നു. പുതിയ തലമുറകളെ പഠിപ്പിക്കാനാണ് ഈ മ്യൂസിയമെന്ന് കോടിയേരി .