കൊവിഡ് മഹാമാരിയുടെ പിടിയിൽ നിന്നും പതിയെ രക്ഷപെട്ടു കൊണ്ടിരിക്കുകയായിരുന്നു നമ്മൾ. രാജ്യത്ത് കൊവിഡ് കേസുകളിൽ വലിയ തോതിൽ കുറവ് അനുഭവപ്പെട്ടിരുന്നു. എന്നാൽ ഇപ്പോൾ നമ്മുടെ തിരിച്ചുവരവിന് വമ്പൻ തിരിച്ചടിയായി മറ്റൊരു വകഭേദം കൂടി രം​ഗപ്രവേശം ചെയ്തിരിക്കുകയാണ്.

കൊവിഡിന്റെ പുതിയ വകഭേദമായ XE ഇന്ത്യയിലും സ്ഥിരീകരിച്ചു എന്നാണ് ഇപ്പോഴത്തെ മാധ്യമ വാർത്തകളിലൂടെ മനസ്സിലാക്കാൻ സാധിക്കുന്നത്. മുംബൈയിലാണ് രോഗം റിപ്പോർട്ട് ചെയ്തതും സ്ഥിരീകരിച്ചിരിക്കുന്നത്. അതിതീവ്ര വ്യാപനശേഷിയുള്ള വകഭേദമാണിത് എന്നാണ് മനസ്സിലാക്കാൻ കഴിഞ്ഞിട്ടുള്ളത്. ബിഎ 2 വകഭേദത്തേക്കാൾ പത്ത് ശതമാനം വ്യാപന ശേഷിയുള്ളതാണ് എക്സ് ഇ.

ഒമിക്രോണിനെക്കാൾ 10 ശതമാനം പകർച്ച ശേഷി കൂടുതലുള്ളതാണ് XE വകഭേദം. 376 സാംപിളുകൾ പരിശോധിച്ചതിൽ ഒരാൾക്കാണ് എക്സ് ഇ രോഗബാധ കണ്ടെത്തിയത്. യുകെയിലാണ് ഈ വകഭേദത്തിന്റെ ആദ്യകേസ് റിപ്പോർട്ട് ചെയ്‌തത്.

ഇതുവരെ കണ്ടെത്തിയ കൊറോണ വൈറസ് വകഭേദങ്ങളിൽ ഏറ്റവും പകർച്ച ശേഷി കൂടിയതാണിത്. ലോകമെങ്ങും മൂന്നാം തരംഗത്തിന്
കാരണമായ ബി എ ടൂ ഒമിക്രോൺ വകഭേദത്തെക്കാൾ XE വകഭേദത്തിന് 10 % പകർച്ച ശേഷി കൂടുതലുണ്ട്. ബ്രിട്ടനിൽ 660 പേരിൽ XE സ്ഥിരീകരിച്ചിട്ടുണ്ട്. ഒമിക്രോണിന്റെ തന്നെ ജനിതക വ്യതിയാനം വന്ന രൂപമാണിത്.

ബി എ വൺ, ബി എ ടൂ ഒമിക്രോൺ വകഭേദങ്ങളുടെ സംയോജിത രൂപമാണ് XE എന്ന് ഗവേഷകർ പറയുന്നു. വാക്സിനേഷൻ കൂടുതലായി നടന്നതിനാൽ, ഡെൽറ്റ വ്യാപിച്ചതുപോലെ, XE ഇന്ത്യയിൽ വലിയ തോതിൽ വ്യാപിക്കില്ലെന്നാണ് ആരോഗ്യ വിദഗ്ധർ പറയുന്നത്.