പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു; ദൃശ്യങ്ങള്‍ പ്രചരിപ്പിക്കുമെന്ന് ഭീഷണിപ്പെടുത്തി... സംഗീത അധ്യാപകന് ജീവപര്യന്തം തടവും ഒരു ലക്ഷം രൂപ പിഴയും ശിക്ഷ വിധിച്ച് കോടതി
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ സംഗീത അധ്യാപകന് ജീവപര്യന്തം തടവും ഒരു ലക്ഷം രൂപ പിഴയും ശിക്ഷ വിധിച്ച് കോടതി. ഉദയഗിരി കാര്‍ത്തികപുരം അട്ടേങ്ങാട്ടില്‍ ജിജി ജേക്കബിനെയാണ് തളിപ്പറമ്പ് ഫാസ്റ്റ്ട്രാക്ക് കോടതി ജഡ്ജി സി മുജീബ് റഹ്മാന്‍ ശിക്ഷിച്ചത്.
പെണ്‍കുട്ടിയെ പീഡിപ്പിച്ചതിന് പുറമെ കുട്ടിയുടെ ദൃശ്യങ്ങള്‍ പ്രചരിപ്പിക്കുമെന്ന് ഭീഷണിപ്പെടുത്തിയതിന് രണ്ട് വര്‍ഷം തടവ് കൂടി കോടതി വിധിച്ചിട്ടുണ്ട്. 2015ലായിരുന്നു കേസിനാസ്പദമായ സംഭവം നടന്നത്. അവധിക്കാലത്ത് സംഗീത സ്ഥാപനത്തില്‍ കീബോര്‍ഡ് പഠിക്കാനെത്തിയ 16 വയസുകാരിയെയാണ് ജിജി ജേക്കബ് പീഡിപ്പിച്ചത്.
സ്ഥാപനത്തില്‍ വെച്ച് ഇയാള്‍ പല തവണ കുട്ടിയെ പീഡിപ്പിച്ചതായാണ് പരാതി. ആലക്കോട് സ്‌റ്റേഷനില്‍ അന്ന് ഇന്‍സ്‌പെക്ടറായിരുന്ന പി കെ സുധാകരന്‍ ആയിരുന്നു കേസില്‍ അന്വേഷണം നടത്തിയത്. വിചാരണയ്ക്കിടെ 15 സാക്ഷികളെ വിസ്തരിക്കുകയും 18 രേഖകള്‍ ഹാജരാക്കുകയും ചെയ്തിരുന്നു.
2015ലാണ് കേസിനാസ്പദമായ സംഭവം. അവധിക്കാലത്ത് കരുവഞ്ചാലിലെ ഒരു സ്ഥാപനത്തില്‍ ഓര്‍ഗണ്‍ പഠിക്കാനെത്തിയ 16കാരിയെയാണ് സംഗീത അധ്യാപകനായ ജിജി ജേക്കബ് പീഡിപ്പിച്ചത്. സ്ഥാപനത്തില്‍വെച്ച് പലതവണ ഇയാള്‍ കുട്ടിയെ പീഡിപ്പിച്ചെന്നായിരുന്നു പരാതി.
https://www.facebook.com/Malayalivartha
