യുവാവിനെ തല്ലിക്കൊന്നു..... പാലക്കാട് ഒലവക്കോട് യുവാവിനെ ആള്‍ക്കൂട്ടം അടിച്ചുകൊലപ്പെടുത്തി, മര്‍ദ്ദിച്ചത് ബൈക്ക് മോഷ്ടിച്ചെന്ന് ആരോപിച്ച്... മലമ്പുഴ കടുക്കാംകുന്നം കണ്ണിയങ്കാട് സ്വദേശിയാണ് മരിച്ചത്, സംഭവത്തില്‍ മൂന്നു പേര്‍ പോലീസ് കസ്റ്റഡിയിലായി.

ബൈക്ക് മോഷ്ടിക്കാന്‍ ശ്രമിച്ചെന്ന് ആരോപിച്ചാണ് ആള്‍ക്കൂട്ടം യുവാവിനെ മര്‍ദ്ദിച്ചത്. മലമ്പുഴ കടുക്കാംകുന്നം കണ്ണിയങ്കാട് മുസ്തഫയുടെ മകന്‍ റഫീക്ക് (27) ആണു മരിച്ചത്. സംഭവത്തില്‍ മൂന്നു പേരെ നോര്‍ത്ത് പൊലീസ് കസ്റ്റഡിയിലെടുത്തു.

ഇന്നു പുലര്‍ച്ചെയാണ് ഒലവക്കോട് ജംക്ഷനില്‍ സംഭവം നടന്നത്. കടയുടെ മുന്നില്‍ നിര്‍ത്തിയിട്ട ബൈക്ക് മോഷ്ടിക്കാന്‍ ശ്രമിച്ചെന്ന് ആരോപിച്ചാണ് ഒരു സംഘം ആളുകള്‍ റഫീക്കിനെ മര്‍ദിച്ചതെന്നു പൊലീസ് . റഫീക്ക് കുഴഞ്ഞുവീണാണു മരിച്ചത്. സംഭവത്തിനുശേഷം രക്ഷപ്പെടാന്‍ ശ്രമിച്ച സംഘത്തെ നാട്ടുകാര്‍ തടഞ്ഞു വയ്ക്കുകയും പൊലീസെത്തി ഇവരെ കസ്റ്റഡിയിലെടുക്കുകയും ചെയ്തു.


മൃതദേഹം ജില്ലാ ആശുപത്രി മോര്‍ച്ചറിയിലാക്കി. കൂടുതല്‍ പ്രതികളുണ്ടെന്നാണ് പൊലീസ് സംശയിക്കുന്നത്. ഒലവക്കോട്ടെ വിവിധ സ്ഥലങ്ങളിലെ സിസിടിവി ദൃശ്യങ്ങള്‍ പൊലീസ് പരിശോധിച്ചുവരുന്നു. അന്വേഷണം ഊര്‍ജ്ജിതത്തിലാക്കി