പുതിയ മേല്‍നോട്ട സമിതി വേണമെന്ന കേരളത്തിന്റെ ആവശ്യം അംഗീകരിക്കുമോ? തള്ളുമോ? മുല്ലപ്പെരിയാറിന്റെ കേസില്‍ സുപ്രീം കോടതി ഇന്ന് വിധി പുറപ്പെടുവിക്കാനിരിക്കുകയാണ്. മുല്ലപ്പെരിയാറുമായി ബന്ധപ്പെട്ട എല്ലാ വിഷയവും ഡാം സുരക്ഷ അതോറിറ്റിക്ക് വിടണമെന്ന ആവശ്യത്തില്‍ സുപ്രീം കോടതി ഉത്തരവ് പുറപ്പെടുവിക്കുന്നുണ്ട് എന്നതാണ് ശ്രദ്ധേയമായ കാര്യം.

വിധി പറയുന്നത് ജസ്റ്റിസ് എ.എം. ഖാന്‍വില്‍ക്കര്‍ അധ്യക്ഷനായ ബെഞ്ചാണ്. സുപ്രീം കോടതി കഴിഞ്ഞ ദിവസം ഒരു നിർണ്ണായക വിവരം അറിയിച്ചിരുന്നു. കേന്ദ്രസര്‍ക്കാരിന്റെ ഡാം സേഫ്റ്റി ആക്ട് പ്രകാരമുള്ള ഡാം സേഫ്റ്റി അതോറിറ്റിയുടെ എല്ലാ അധികാരവും മേല്‍നോട്ട സമിതിയ്ക്ക് നല്‍കുമെന്നാണ് അറിയിച്ചത് . മേല്‍നോട്ട സമിതിയ്ക്ക് ചുമതലകള്‍ കൈമാറുന്നതിനെ കേരളം കോടതിയില്‍ അനുകൂലിക്കുകയും ചെയ്തിരുന്നു

എന്നാൽ പുതിയ മേല്‍നോട്ട സമിതി വേണമെന്ന ആവശ്യമായിരുന്നു കേരളം ഉന്നയിച്ചത് . ഈ ആവശ്യം തള്ളിയ കോടതി പുതിയ മേല്‍നോട്ടസമിതി വരുന്നത് വരെ ഇപ്പോഴുള്ള സമിതി തുടരട്ടെയെന്ന് കേരളത്തോട് പറയുകയായിരുന്നു. പുതിയ മേല്‍നോട്ട സമിതിയുടെ ആവശ്യമില്ലെന്ന നിലപാടാണ് കേന്ദ്രസര്‍ക്കാരും സ്വീകരിച്ചിരിക്കുന്നത്.