പെൺകുട്ടികളെ രാത്രിയിൽ പെരുവഴിയില്‍ ഇറക്കിവിട്ട ജപ്തി നടപടി, ഗൃഹനാഥൻ ലോൺതുക അടച്ച് തീർക്കാൻ എത്തിയതോടെ കടം തീർന്നെന്ന് ബാങ്ക് അധികൃതർ, കടം തീർത്ത വിവരം അറിയിച്ചിട്ടില്ലെന്ന് ഗൃഹനാഥൻ, മൂവാറ്റുപുഴ അർബൻ ബാങ്കിൽ നാടകീയ രംഗങ്ങൾ..!
മൂവാറ്റുപുഴയിൽ രാത്രിയില്‍ വീട്ടില്‍ നിന്ന് പെൺകുട്ടികളെ ഇറക്കിവിട്ടു ജപ്തി ചെയ്ത വിവാദ സംഭവത്തിൽ മൂവാറ്റുപുഴ അർബൻ ബാങ്കിൽ നാടകീയ രംഗങ്ങൾ. പ്രായപൂർത്തിയാകാത്ത അജീഷിന്റെ പെണ്‍മക്കളെയാണ് രാത്രിയില്‍ വീട്ടില്‍ നിന്ന് പെരുവഴിയില്‍ ഇറക്കിവിട്ട് ജപ്തി നടപടികള്‍ പൂര്‍ത്തിയാക്കിയത്. മൂവാറ്റുപുഴ എം എല്‍ എ മാത്യു കുഴല്‍നാടന്‍ ഇടപെട്ടതോടെയാണ് വിവാദമായത്.
ബാങ്ക് ഉദ്യോഗസ്ഥര്‍ പൂട്ടിയതാഴ് തകര്‍ത്ത് എംഎല്‍ എ പെണ്‍കുട്ടികളെ വീട്ടില്‍ പ്രവേശിപ്പിക്കുകയും ചെയ്തിരുന്നു. ഇപ്പോഴിതാ വീട് ജപ്തി ചെയ്യപ്പെട്ട കുടുംബം കടം തീർക്കുന്നതിനായി മാത്യു കുഴൽനാടൻ എംഎൽഎ നൽകിയ ചെക്കുമായി എത്തിയപ്പോൾ മൂവാറ്റുപുഴ അർബൻ ബാങ്കിൽ നാടകീയ രംഗങ്ങളാണ് അരങ്ങേറിയത്.
നിലവിൽ കടം തീർത്ത നിലയിലാണെന്നും അതിനാൽ ചെക്ക് സ്വീകരിക്കാൻ സാധിക്കില്ലെന്നുമാണ് ജീവനക്കാർ വ്യക്തമാക്കിയതോടെയാണ് തർക്കം രൂപപ്പെട്ടത്. മാത്യു കുഴൽനാടൻ എംഎൽഎയുടെ ശമ്പളം ഉൾപ്പട്ട തുകയുടെ 1,35,686 രൂപയുടെ ചെക്കാണ് സമർപ്പിച്ചത്.കടം തീർത്ത വിവരം അറിയിച്ചിട്ടില്ലാത്തതിനാൽ തങ്ങൾ അത് തീർക്കാനാണ് വന്നതെന്നും പറ‍ഞ്ഞതോടെ ചെക്ക് സ്വീകരിച്ചു.
പക്ഷേ അജേഷിന്റെ ലോൺ അക്കൗണ്ടിലേക്ക് വരവു വയ്ക്കാനാകില്ലെന്ന് മൂവാറ്റുപുഴ അർബൻ ബാങ്ക് ജീവനക്കാർ വ്യക്തമാക്കി. എന്നാൽ സിഐടിയുവിനു പണം നൽകില്ലെന്ന് ജപ്തിക്കിരയായ കുടുംബം നിലപാടെടുത്തു. ഗൃഹനാഥനായ അജീഷ് ഹൃദ്രോഗത്തെ തുടര്‍ന്ന് ആശുപത്രിയിലായ സാഹചര്യത്തില്‍ മാനുഷികമായ പരിഗണന നല്കാതെയായിരുന്നു ഉദ്യോഗസ്ഥരുടെ നടപടി. അജീഷിന്റെ പെണ്‍മക്കളെ രാത്രിയില്‍ വീട്ടില്‍ നിന്ന് പെരുവഴിയില്‍ ഇറക്കിവിട്ട ശേഷമാണ് ജപ്തി നടപടികള്‍ പൂര്‍ത്തിയാക്കിയത്.
എം എല്‍ എ മാത്യു കുഴല്‍നാടന്‍ ബാങ്ക് ഉദ്യോഗസ്ഥര്‍ പൂട്ടിയതാഴ് തകര്‍ത്ത് എംഎല്‍ എ പെണ്‍കുട്ടികളെ വീട്ടില്‍ പ്രവേശിപ്പിക്കുകയും ചെയ്തിരുന്നു. പായിപ്ര പഞ്ചായത്തില്‍ അജേഷിന്റെ വീടാണ് ബാങ്ക് ജപ്തി ചെയ്തത്. ഒരു ലക്ഷം രൂപയാണ് അര്‍ബന്‍ ബാങ്കില്‍ നിന്നും അജേഷ് ലോണ്‍ എടുത്തത്. എന്നാല്‍ അസുഖം ബാധിച്ചതോടെ തിരിച്ചടവ് മുടങ്ങുകയായിരുന്നു.
തുടര്‍ന്നാണ് ബാങ്ക് ജപ്തി നടപടികളിലേക്ക് കടന്നത്. കഴിഞ്ഞ ശനിയാഴ്ചയാണ് ഗുരുതരമായ ഹൃദ്യോഗത്തിന് ഗൃഹനാഥനായ മൂവാറ്റുപുഴ പേഴയ്ക്കാപ്പള്ളി സ്വദേശി അജേഷ് സര്‍ക്കാര്‍ ആശുപത്രിയില്‍ ചികിത്സയില്‍ ഇരിക്കെ മൂവാറ്റുപുഴ അര്‍ബന്‍ ബാങ്ക് ജപ്തി നടത്തിയത്. അജേഷ് ആശുപത്രിയില്‍ നിന്ന് ഡിസ്ചാര്‍ഡ് ആകുന്നത് വരെ ജപ്തി നീട്ടാന്‍ സമയം ചോദിച്ചെങ്കിലും ബാങ്ക് അനുവദിച്ചില്ല. എന്നാല്‍, കുടുംബത്തിന്റെ അവസ്ഥ ശ്രദ്ധയില്‍ പെട്ടിരുന്നില്ലെന്നായിരുന്നു മൂവാറ്റുപുഴ അര്‍ബന്‍ ബാങ്കിന്റെ വിശദീകരണം.
https://www.facebook.com/Malayalivartha
