അജ്ഞാത വാഹനം ഇടിച്ചുതെറിപ്പിച്ചു; ബിന്ദു പണിക്കരുടെ സഹോദരൻ വാഹനാപകടത്തിൽ മരിച്ചു! ജോലി കഴിഞ്ഞ് മടങ്ങവേ വരാപ്പുഴ പാലത്തിൽ വച്ച് അജ്ഞാത വാഹനം ഇടിച്ച് തെറിപ്പിച്ചു കടന്നുകളഞ്ഞു, ചികിത്സയിൽ ആയിരുന്ന ബാബുരാജ് മരിച്ചു
മലയാള സിനിമയ്ക്ക് എന്നും പ്രിയങ്കരിയായ നടിയാണ് ബിന്ദു പണിക്കര്‍. ഏത് കഥാപാത്രവും നടിയുടെ കയ്യിൽ ഭദ്രമായിരിക്കും.ഒരു കാലത്ത് മലയാള സിനിമയില്‍ ബിന്ദു പണിക്കര്‍ അഭിനയിക്കാത്ത സിനിമകള്‍ ഇല്ലെന്ന അവസ്ഥയായിരുന്നു. ഇപ്പോള്‍ അമ്മ കഥാപാത്രങ്ങളിലൂടെയും അല്ലാതെയുമായി നടി മാറിയിരിക്കുകയാണ്.നടന്‍ സായി കുമാറിനെ വിവാഹം കഴിച്ച് മകള്‍ കല്യാണിയുടെ കൂടെ താമസിക്കുകയാണ് നടിയിപ്പോള്‍. നടിയെ സ്നേഹിക്കുന്നവരെ സംബന്ധിച്ച് ഏറെ വേദനിപ്പിക്കുന്ന ഒരു വാർത്തയാണ് ഇപ്പോൾ പുറത്തുവരുന്നത്
ബിന്ദു പണിക്കരുടെ സഹോദരൻ വാഹനാപകടത്തിൽ മരിച്ചു. വരാപ്പുഴ വിഷ്ണു ടെമ്പിൾ റോഡ് കൃഷ്ണകൃപയിൽ എം.ബാബുരാജ് ആണ് മരിച്ചത്. ബൈക്കിൽ സഞ്ചരിക്കവേ അജ്ഞാത വാഹനമിടിച്ച് പരുക്കേറ്റ് ചികിത്സയിലായിരുന്നു. കൊച്ചിൻ പോർട്ട് ട്രസ്റ്റ് ജീവനക്കാരനായ ബാബുരാജ് കഴിഞ്ഞ വ്യാഴാഴ്ച രാത്രി ജോലി കഴിഞ്ഞ് മടങ്ങവേ വരാപ്പുഴ പാലത്തിൽ വച്ച് അജ്ഞാത വാഹനം ഇടിക്കുകയായിരുന്നു.
തലയ്ക്ക് ഗുരുതരമായി പരുക്കേറ്റ ബാബുരാജിനെ പിന്നാലെ വന്ന കുടുംബം ചേരാനല്ലൂർ ആശുപത്രിയിൽ പ്രവേശിപ്പിക്കുകയായിരുന്നു. ഇന്നലെ രാവിലെയായിരുന്നു ബാബുരാജ് മരണത്തിന് കീഴടങ്ങിയത്. വടകര ദാമോദരന്റെയും നീനാമ്മയുടേയും മകനാണ്. ആർട്ടിസ്റ്റ് അജയനാണ് സഹോദരൻ.
കൊച്ചി തുറമുഖ തൊഴിലാളി യൂണിയൻ ഓർഗനൈസിംഗ് സെക്രട്ടറിയും എച്ച് എം എസ് മുൻ ജില്ല പ്രസിഡന്റുമാണ്. ഭാര്യ- സ്മിത പി നായർ (സംഗീത അധ്യാപിക). മകൻ- ശബരീനാഥ്. സംസ്കാരം ഇന്ന് ചേരാനല്ലൂർ വിഷ്ണുപുരം ശ്മശാനത്തിൽ.
https://www.facebook.com/Malayalivartha
