ഭാര്യയുമായി പിണങ്ങി വീടുവിട്ടിറങ്ങി. ഒരു വയസ്സുള്ള കുഞ്ഞിനെ വൈക്കം മഹാദേവ ക്ഷേത്രത്തിന് മുന്നില്‍ ഉപേക്ഷിക്കാന്‍ ശ്രമവും.യുവാവിനെ പൊലീസ് പിടിച്ചു. നാട്ടുകാരാണ് ഇത് കണ്ടതും പോലിസിനെ അറിയിച്ചതും. വിവരമറിഞ്ഞെത്തിയ പൊലീസ് യുവാവിനെ കസ്റ്റഡിയിലെടുത്തു. കുഞ്ഞിനെ മാതാവിന് നൽകി. ഞായറാഴ് വൈകീട്ട് വൈക്കം ക്ഷേത്രത്തിന്റെ പടിഞ്ഞാറെ നടയിലാണ് ഇത് നടന്നത് . ആലപ്പുഴ പെരുമ്പളം സ്വദേശിയാണ് യുവാവ്. കുഞ്ഞിന്റെ മാതാവ് ഞീഴൂര്‍ സ്വദേശിയാണ് .

ഭര്‍ത്താവുമായി പിരിഞ്ഞ് ജിവിക്കുകയായിരുന്നു യുവതി. ഇവരെ യുവാവ് പ്രണയിച്ച് വിവാഹം കഴിച്ചു . ഈ ബന്ധത്തില്‍ കുഞ്ഞ് പിറന്നു. യുവാവിന്റെ മാതാവിന് കുഞ്ഞിനെ കാണമെന്ന് പറഞ്ഞു. യുവതി അതിനു സമ്മതിച്ചില്ല. ഈ കാര്യത്തിൽ ഇവർ വഴക്കിട്ടു. മദ്യപിച്ച് വീട്ടിലെത്തി യുവാവ് ഭാര്യയെയും ഭാര്യ മാതാവിനെയും മര്‍ദിച്ചു. ശേഷം കുഞ്ഞുമായി ഓട്ടോയില്‍ പോയി .

കുഞ്ഞുമായി തലയോലപ്പറമ്പിലെയും വൈക്കത്തെയും ബാറുകളിലെത്തി. ശേഷം യുവാവ് വീണ്ടും മദ്യപിക്കുകയും ചെയ്തു. വൈക്കം മഹാദേവ ക്ഷേത്രത്തിന്റെ പടിഞ്ഞാറെ നടയില്‍ കുട്ടിയെ ഉപേക്ഷിക്കാന്‍ ശ്രമിക്കുന്നത് നാട്ടുകാര്‍ കണ്ടു. ഇതോടെ ഓട്ടോയില്‍ കയറി പോയി. കുഞ്ഞ് തന്റെയല്ലെന്ന് ഇയാള്‍ പറഞ്ഞു.

അതോടെ ഓട്ടോ ഡ്രൈവര്‍ ഇയാളെ വീണ്ടും ക്ഷേത്രത്തിന്റെ തെക്കേ നടയില്‍ എത്തിച്ചു. ഇവിടെ കുഞ്ഞിനെ ഉപേക്ഷിച്ച് കടന്നുകളയാന്‍ ശ്രമിക്കുകയായിരുന്നു. അപ്പോഴാണ് നാട്ടുകാര്‍ പൊലീസില്‍ അറിയിച്ചത്. പൊലീസെത്തി ഇരുവരെയും ഞീഴൂരിലെ വീട്ടില്‍ എത്തിക്കുകയും പിന്നാലെ അറസ്റ്റ് ചെയ്യുകയും ചെയ്തു.