ഉറങ്ങി കിടന്ന യുവാവിനെ വീട്ടിൽ കയറി വെട്ടി. പളളിത്തോട്ടത്ത് ആണ് സംഭവം നടന്നത്. യുവാവിനെ മൂന്നംഗ സംഘം വീട്ടിൽ കയറിയാണ് കുത്തിപ്പരുക്കേൽപ്പിച്ചത്. എച്ച്എംസി കോമ്പൗണ്ടിൽ താമസിക്കുന്ന രതീഷാണ് ആക്രമികളുടെ കയ്യിലകപ്പെട്ടത് . ഇന്നലെ വൈകുന്നേരം നാലു മണിയോടെ സംഭവങ്ങൾ നടക്കുകയായിരുന്നു. ആക്രമണം നടത്തിയവരിൽ മൂന്ന് അംഗ സംഘമുണ്ടായിരുന്നു.

വീട്ടിലേക്ക് അതിക്രമിച്ച് കയറിയ ശേഷം രതീഷിന്റെ കൈയിലും നെഞ്ചിലും തുര് തുരാ കുത്തുകയായിരുന്നു. നിലവിളിച്ചു കൊണ്ട് രതീഷ് പുറത്തേക്ക് ഇറങ്ങി. അപ്പോഴേക്കും മൂന്നു പേരും ഓടി രക്ഷപ്പെടുകയും ചെയ്തു. സിസിടിവി ദൃശ്യങ്ങളിൽ മൂന്നു യുവാക്കളടങ്ങിയ സംഘം രതീഷിന്റെ വീടിന്റെ പരിസരത്തേക്ക് വരുന്നതും സംഘത്തിലെ രണ്ടു പേർ വീടിനുളളിലേക്ക് കത്തിയുമായി കയറുന്നതും ഉണ്ടായിരുന്നു .

സംഭവത്തെ പറ്റി അന്വേഷണം നടക്കുകയാണെന്ന് പളളിത്തോട്ടം പോലീസ് വ്യക്തമാക്കി. രതീഷിന്റെ കുടുംബം ആരോപിക്കുന്നത് രതീഷിനെ ആക്രമിച്ചത് അയൽവാസിയായ ആളുടെ നിർദ്ദേശപ്രകാരം എത്തിയ ഗുണ്ടകളാണെന്നാണ്. നടുക്കുന്ന സംഭവമാണ് ഉണ്ടായിരിക്കുന്നത്.