കോവിഡ് ഭീതി ഒഴിഞ്ഞതോടെ ബൂസ്റ്റര് എടുക്കാന് ആളില്ല.... പതിനെട്ട് വയസിന് മുകളിലുള്ളവരുടെ ബൂസ്റ്റര് ഡോസ് വാക്സിനേഷന് എടുക്കാന് ആളുകളുടെ എണ്ണത്തില് കുറവ്, വാക്സിന് കേന്ദ്രങ്ങളില് തിരക്ക് കുറയുന്നു
കോവിഡ് ഭീതി ഒഴിഞ്ഞതോടെ ബൂസ്റ്റര് എടുക്കാന് ആളില്ല.... പതിനെട്ട് വയസിന് മുകളിലുള്ളവരുടെ ബൂസ്റ്റര് ഡോസ് വാക്സിനേഷന് എടുക്കാന് ആളുകള് മടി കാണിക്കുന്നതായി റിപ്പോര്ട്ടുകള്.
സ്വകാര്യ കേന്ദ്രങ്ങളില് എത്തി വാക്സിന് എടുക്കാനുള്ള തിരക്ക് നന്നേ കുറവായി തുടങ്ങി. സ്വകാര്യ മേഖലയിലെ വാക്സിനേഷന് കേന്ദ്രങ്ങളുടെ എണ്ണവും വളരെ കുറവാണ്. വരും ദിവസങ്ങളിലെ പ്രതികരണമറിഞ്ഞ ശേഷം മാത്രം കൂടുതല് സൗകര്യം ഒരുക്കാനുള്ള തീരുമാനത്തിലാണ് സ്വകാര്യ മേഖല. ബൂസ്റ്റര് ഡോസിനോടുള്ള അലംഭാവം സര്ക്കാര് മേഖലയിലും പ്രകടമായിരിക്കുകയാണ്.
പ്രധാന വാക്സിന് ഡോസുകളെല്ലാം സര്ക്കാര് മേഖലയില് പൂര്ണമായും സൗജന്യമായതിനാല് ഏറെക്കുറെ നിര്ജീവമായിരുന്ന സ്വകാര്യ മേഖലയിലേക്കാണ് പതിനെട്ട് വയസിന് മുകളിലുള്ളവരുടെ വാക്സിനേഷന് ഇപ്പോള് പൂര്ണമായും എത്തുന്നത്. പക്ഷേ, രണ്ടുദിവസം കഴിഞ്ഞിട്ടും വാക്സിന് സ്റ്റോക്കുള്ള പ്രധാന സ്വകാര്യ ആശുപത്രികളിലൊന്നും തിരക്കില്ല.മാത്രവുമല്ല കോവിഡ് ഭീതി ഒഴിഞ്ഞതാണ് മറ്റൊരു കാരണം.
രണ്ടാം ഡോസ് എടുത്ത് ഒന്പത് മാസം കഴിഞ്ഞ് മതി ബൂസ്റ്റര് ഡോസ് എന്നുള്ളത് കൊണ്ട് വലിയൊരു വിഭാഗം ആളുകള്ക്ക് ഇനിയും സമയപരിധി ആകാന് ഇനിയും സമയമുള്ളവരുണ്ട്.
ഏറ്റവുമധികം ചികില്സാ സൗകര്യമുള്ള തലസ്ഥാനത്ത് കോവിന് പോര്ട്ടലില് കണക്കുകള് പ്രകാരം ബൂസ്റ്റര് ഡോസിനായി 23 സ്വകാര്യ കേന്ദ്രങ്ങളാണ് ഉള്ളത്.
എറണാകുളത്ത് ഇത് 26ഉം മറ്റ് കേന്ദ്രങ്ങളില് ഇതിലും കുറവുമാണ്. ആദ്യഘട്ടത്തില് വാക്സിനേഷനായി സ്റ്റോക്കെടുത്ത് തയ്യാറെടുപ്പ് പൂര്ത്തിയാക്കിയെങ്കിലും സര്ക്കാര് മേഖലയില് തന്നെ സൗജന്യമായി വാക്സിന് ലഭിക്കാന് തുടങ്ങിയതോടെ സ്വകാര്യ മേഖലയില് ആരും എടുക്കാന് എത്താതെയായി.
നിലവില് ഒന്നര ലക്ഷത്തിലധികം ഡോസ് വാക്സിനാണ് സ്വകാര്യ മേഖലയിലുള്ളത്. സര്ക്കാര് മേഖലയില് സൗജന്യമായിരുന്നപ്പോഴും വാക്സിനേഷന് തുടര്ന്ന ആശുപത്രികളുടെ പക്കലുള്ള കാലാവധി തീരാറായ വാക്സിന് സ്റ്റോക്ക് സര്ക്കാര് തിരികെയെടുത്ത് മാറ്റിക്കൊടുക്കുന്ന നടപടിയിലാണ്.
സര്ക്കാര് വിലകൊടുത്ത് വാങ്ങിയ വാക്സിന് സ്റ്റോക്കില് നിന്ന് വാങ്ങിയ വാക്സിനായിരുന്നു ഇവ. ഇതിനിടെ കോവിഷീല്ഡ്, കൊവാക്സിന് എന്നിവക്ക് കഴിഞ്ഞ ദിവസം വില കുറച്ചിട്ടുണ്ടായിരുന്നു.
മുന്പ് കൂടിയ വിലക്ക് സ്റ്റോക്ക് എടുത്തവര്ക്ക് നഷ്ടം വരാതിരിക്കാന് പകരം വാക്സിന് വയലുകള് നല്കാമെന്ന് ധാരണയായതോടെ ഇക്കാര്യത്തിലുള്ള ആശയക്കുഴപ്പം ഒഴിവായിട്ടുണ്ട്.
60ന് മുകളിലുള്ളവരടക്കം മുന്ഗണനാ വിഭാഗത്തിലെ സര്ക്കാര് മേഖലയിലെ ബൂസ്റ്റര് ഡോസിനും ആളില്ല. ഇതുവരെ 13000 പേര് പോലും വാക്സിന് എടുത്തിട്ടില്ലെന്നാണ് സൂചനകള്.
https://www.facebook.com/Malayalivartha
