മതപരമായ ചടങ്ങുകള്ക്കും ഉത്സവങ്ങള്ക്കും ഇനി സൗജന്യ സുരക്ഷ നല്കേണ്ടെന്ന നിലപാടില് പോലീസ്.... ചടങ്ങുകളുടെ സുരക്ഷയ്ക്ക് പണം വാങ്ങാനുള്ള പൊലീസ് ശുപാര്ശ സര്ക്കാരിന് നല്കും
മതപരമായ ചടങ്ങുകള്ക്ക് സുരക്ഷ നല്കുന്നതില് കൂടുതലും സ്വകാര്യ ഏജന്സികളെ പ്രോത്സാഹിപ്പിക്കണം... മതപരമായ ചടങ്ങുകള്ക്കും ഉത്സവങ്ങള്ക്കും ഇനി സൗജന്യ സുരക്ഷ നല്കേണ്ടെന്ന നിലപാടിലേക്ക് പൊലീസ്.
ചടങ്ങുകളുടെ സുരക്ഷയ്ക്ക് പണം വാങ്ങാനുള്ള പൊലീസ് ശുപാര്ശ സര്ക്കാരിന് നല്കും. ഏറെ കാലമായി ഇക്കാര്യത്തില് പൊലീസിനുള്ളില് ചര്ച്ചകള് നടക്കുന്നുണ്ടായിരുന്നുവെങ്കിലും ഒരു വിഭാഗം എതിര്പ്പ് പ്രകടിപ്പിക്കുന്നതിനാല് തീരുമാനത്തിലെത്താതെ നീങ്ങുകയായിരുന്നു.
ഴിഞ്ഞ ദിവസം നടന്ന എഡിജിപി തലയോഗത്തിലാണ് ഇക്കാര്യത്തില് ശുപാര്ശക്ക് ധാരണയായത്. ബന്ധപ്പെട്ടവര് ഒരു നിശ്ചിത തുക സര്ക്കാരിലേക്ക് അടച്ചതിന് ശേഷം പൊലീസ് ക്രമ സമാധാന ചുമതല ഏറ്റെടുക്കുന്നതാണ് ശുപാര്ശ.
മതപരമായ ചടങ്ങുകള്ക്ക് സുരക്ഷ നല്കുന്നതില് കൂടുതലും സ്വകാര്യ ഏജന്സികളെ പ്രോത്സാഹിപ്പിക്കണമെന്നും ഉന്നതല യോഗത്തില് വിലയിരുത്തലുണ്ടായി. പലപ്പോഴും സ്റ്റേഷന് ഡ്യൂട്ടിയിലുള്ള പൊലീസുകാരെയാണ് മതപരമായ ചടങ്ങുകള്ക്ക് നിയോഗിച്ചിരുന്നത്.
അതേസമയം ഗുണ്ടാനിയമത്തിന്റെ അടിസ്ഥാനത്തില് പൊലീസ് നല്കുന്ന ശുപാര്ശകളില് മൂന്നാഴ്ചക്കകം ജില്ലാ കളക്ടമാര് തീരുമാനമെടുക്കണമെന്ന് മുഖ്യമന്ത്രി നിര്ദ്ദേശിച്ചു. കാപ്പാ നിയമപ്രകാരം ഗുണ്ടകളെ കരുതല് തടുങ്കലില് എടുക്കുന്നതിനും നടുകടത്തുന്നതിനുമുള്ള ശുപാര്ശകളില് കളക്ടര്മാര് സമയബന്ധിതമായി നടപടി സ്വീകരിക്കുന്നില്ലെന്ന പൊലീസ് റിപ്പോര്ട്ടിന്റെ അടിസ്ഥാനത്തില് മുഖ്യമന്ത്രി വിളിച്ച ഉന്നതലതലയോഗത്തിലാണ് തീരുമാനം.
ഗുണ്ടാനിയമപ്രകാരമുള്ള ശുപാര്ശകള് പരിശോധിക്കാന് ഒരു ഡെപ്യൂട്ടി കളക്ടറുടെ നേതൃത്വത്തിലുള്ള സെല് കളക്ടറേറ്റുകളില് രൂപീകരിക്കണം. പൊലീസ് ശുപാര്ശകളില് കളക്ടര്മാര് പ്രത്യേക ശ്രദ്ധ നല്കുകയും ജില്ലാ പൊലീസ് മേധാവിമാരുമായി സഹകരിച്ച് പ്രവര്ത്തിക്കുകയും വേണമെന്നും മുഖ്യമന്ത്രി നിര്ദ്ദേശിച്ചു.
"
https://www.facebook.com/Malayalivartha
