ആത്മഹത്യാക്കുറിപ്പ് പോലീസ് പരിശോധനയില്.... തൃശൂര് പീച്ചിയില് മുന് സിഐടിയു പ്രവര്ത്തകന് സജി ആത്മഹത്യ ചെയ്ത സംഭവത്തില് അന്വേഷണം ഊര്ജ്ജിതമാക്കി പോലീസ്...
ആത്മഹത്യാക്കുറിപ്പ് പോലീസ് പരിശോധനയില്.... തൃശൂര് പീച്ചിയില് മുന് സിഐടിയു പ്രവര്ത്തകന് സജി ആത്മഹത്യ ചെയ്ത സംഭവത്തില് അന്വേഷണം ഊര്ജ്ജിതമാക്കി പോലീസ്...
സിപിഎം ലോക്കല് കമ്മിറ്റി സെക്രട്ടറിക്കും ബ്രാഞ്ച് സെക്രട്ടറിക്കും എതിരെയുള്ള ആത്മഹത്യാക്കുറിപ്പും പോലീസ് പരിശോധിച്ച് വരുന്നു. സജിയുടെ സഹോദരന്റെയും മറ്റു കുടുംബാംഗങ്ങളുടേയും മൊഴി രേഖപ്പെടുത്തിയിരുന്നു. ഇവരുടെ മൊഴിയുടെ അടിസ്ഥാനത്തില് ആരോപണ വിധേയരായ സിപിഎം നേതാക്കളുടേയും മൊഴിയെടുക്കും. കൂടുതല് അന്വേഷണത്തിന് ശേഷമാകും ഇവര്ക്കെതിരെ ആത്മഹത്യ പ്രേരണ കുറ്റം ചുമത്തി കേസെടുക്കണോ എന്ന് തീരുമാനിക്കും.
അതേസമയം, സിപിഎമ്മിനെതിരെ സംഭവത്തില് ആസൂത്രിതമായി വ്യാജപ്രചാരണം നടത്തുകയാണെന്ന് സിപിഎം ഏരിയ കമ്മിറ്റി പ്രസ്താവനയിലൂടെ വ്യക്തമാക്കി. സിഐടിയു പ്രവര്ത്തകനായിരുന്ന സജി സംഘടന വിട്ട ശേഷം സ്വതന്ത്രമായി ജോലി ചെയ്യുകയായിരുന്നു. പലപ്പോഴും പാര്ട്ടിയില് നിന്ന് ഭീഷണിയുണ്ടായെന്ന് പരാതിയുമായി ബന്ധുക്കളും.
പാലം പണി അടക്കമുള്ളതിന് സിപിഎം പ്രാദേശിക നേതാക്കള് പണം വാങ്ങിയിരുന്നു. ഇത് സജി ചോദ്യം ചെയ്തതിനെത്തുടര്ന്നായിരുന്നു വധഭീഷണിയുണ്ടായിരുന്നത്. സിപിഎം ലോക്കല്, ബ്രാഞ്ച് സെക്രട്ടറിമാര് ഭീഷണിപ്പെടുത്തിയിരുന്നതായും സഹോദരന് ബിജുവിന്റെ ആരോപണം.
അവിവാഹിതനായ സജി തിങ്കളാഴ്ചയാണ് ആത്മഹത്യ ചെയ്തത്. സംഭവത്തിന് പിന്നാലെ പീച്ചിയില് സിപിഎം പ്രവര്ത്തകര് ചേരിതിരിഞ്ഞ് ഏറ്റുമുട്ടലുണ്ടായി,. പീച്ചി ബ്രാഞ്ച് സെക്രട്ടറിക്കും രണ്ടു പാര്ട്ടി പ്രവര്ത്തകര്ക്കും മര്ദനമേറ്റിട്ടുണ്ട്. സംഘര്ഷത്തില് പീച്ചി സെന്ററിലെ പാര്ട്ടി മണ്ഡപവും സിപിഎമ്മിന്റെയും സിഐടിയുവിന്റെയും കൊടിതോരണങ്ങളും വ്യാപകമായി നശിപ്പിക്കപ്പെട്ടിട്ടുണ്ട്. സംഭവത്തില് പീച്ചി ലോക്കല് കമ്മിറ്റി പോലീസില് പരാതി നല്കിയിട്ടുണ്ട്.
https://www.facebook.com/Malayalivartha
