കുട്ടിയുടെ ഉമ്മ ഒറ്റയ്ക്കല്ല കൊലപാതകം നടത്തിയത്.... കുട്ടി ഉണ്ടെന്ന് കാമുകന്‍ അറിയാതിരിക്കാന്‍ മൂന്നു വയസ്സുകാരനെ അമ്മ കൊലപ്പെടുത്തിയ സംഭവത്തില്‍ കൂടുതല്‍ ആരോപണവുമായി മരിച്ച കുട്ടിയുടെ മുത്തച്ഛന്‍ രംഗത്ത്... കുട്ടിയുടെ കൊലപാതകത്തില്‍ പങ്കില്ലെന്ന് പ്രതിയുടെ സഹോദരി

കുട്ടിയുടെ ഉമ്മ ഒറ്റയ്ക്കല്ല കൊലപാതകം നടത്തിയതെന്നാണ് മുത്തച്ഛന്‍ ഇബ്രാഹിം പറയുന്നത്. കുട്ടിയുടെ കൊലപാതകത്തില്‍ കൂടുതല്‍ പ്രതികള്‍ ഉണ്ട്. കുട്ടിയുടെ ഉമ്മ ആസിയയുടെ സഹോദരിക്കും അവരുടെ ഭര്‍ത്താവിനും കൊലപാതകത്തില്‍ പങ്കുണ്ടെന്നും ഇതേക്കുറിച്ച് സമഗ്രാന്വേഷണം വേണമെന്നും മുത്തച്ഛന്‍ ഇബ്രാഹിം .

അതേസമയം കുട്ടിയുടെ കൊലപാതകത്തില്‍ പങ്കില്ലെന്ന് പ്രതിയുടെ സഹോദരി ആജിറ പറയുന്നു. കുട്ടി ചലനമറ്റ് കിടക്കുമ്പോള്‍ പ്രതിയായ ഉമ്മ ഒന്നുമറിയാത്ത പോലെയാണ് പെരുമാറിയത്. മകന്‍ രാവിലെ എഴുന്നേറ്റിട്ട് വീണ്ടും കിടന്നെന്ന് പ്രതിയായ ആസിയ പറയുന്നു.


മകനെ വളര്‍ത്താന്‍ ഇഷ്ടമില്ലാതിരുന്നെങ്കില്‍ താന്‍ വളര്‍ത്തുമായിരുന്നു. കുഞ്ഞിനെ കൊന്നുകളയരുതായിരുന്നുവെന്നും കാമുകനൊപ്പം പോകാനാണ് ആസിയ മകനെ കൊന്നതെന്നും സഹോദരി പറഞ്ഞു.



അതേസമയം എലപ്പുള്ളിയില്‍ മൂന്നു വയസ്സുകാരനെ മരിച്ച നിലയില്‍ കണ്ടെത്തിയ സംഭവത്തില്‍ മരണം കൊലപാതകമെന്ന് പൊലീസ്.അമ്മയെ അറസ്റ്റ് ചെയ്തു. എലപ്പുള്ളി ചുട്ടിപ്പാറ, വേങ്ങോടി മുഹമ്മദ് ഷാന്‍, ആസിയ, ദമ്പതികളുടെ മകനെയാണ് ഇന്നലെ അബോധാവസ്ഥയില്‍ കണ്ടെത്തിയത്.അബാധാവസ്ഥയിലുള്ള കുട്ടിയെ പാലക്കാട് ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

പോസ്റ്റ്‌മോര്‍ട്ടത്തില്‍ കുഞ്ഞിന്റെ കഴുത്തില്‍ പാടുകള്‍ കണ്ടെത്തിയതോടെയാണ് അമ്മ ആസിയയെ ചോദ്യം ചെയ്യാന്‍ വിളിപ്പിച്ചത്. ശ്വാസം മുട്ടിച്ച് കൊലപ്പെടുത്തിയതെന്നാണ് അമ്മ പോലീസിന് നല്‍കിയ മൊഴി.

ദീര്‍ഘകാലമായി ഭര്‍ത്താവുമായി അകന്നു കഴിയുകയായിരുന്ന ആസിയ മറ്റൊരാളുമായി ഇഷ്ടമത്തിലായിരുന്നു. എന്നാല്‍ മകനുള്ള വിവരം ഇയാളെ അറിയിച്ചിരുന്നില്ല. ഈ വിവരം കാമുകനെ അറിയിക്കാതിരിക്കാനാണ് മകനെ കൊലപ്പെടുത്തിയെതെന്ന് ആസിയ മൊഴി നല്‍കി.കോടതിയില്‍ ഇന്ന് ആസിയയെ ഹാജരാക്കും.