എക്സൈസ് സംഘത്തിനു നേരേ വാള്‍ വീശി യുവാക്കളുടെ ആക്രമണം.... ലഹരി മരുന്നായ എം.ഡി.എം.എം. വില്‍പ്പന നടത്തുന്ന സംഘത്തെ പിടികൂടാനെത്തിയവര്‍ക്ക് നേരെയാണ് ആക്രമണമുണ്ടായത് ... പ്രതികളായ രണ്ടു പേര്‍ അറസ്റ്റില്‍
എക്സൈസ് സംഘത്തിനു നേരേ വാള്‍ വീശി യുവാക്കളുടെ ആക്രമണം.... ലഹരി മരുന്നായ എം.ഡി.എം.എം. വില്‍പ്പന നടത്തുന്ന സംഘത്തെ പിടികൂടാനെത്തിയവര്‍ക്ക് നേരെയാണ് ആക്രമണമുണ്ടായത് ... പ്രതികളായ രണ്ടു പേര്‍ അറസ്റ്റില്‍.
ബലപ്രയോഗത്തിലൂടെ പ്രതികളിലൊരാളെ കീഴ്‌പ്പെടുത്തുന്നതിടയില്‍ ഉദ്യോഗസ്ഥന്റെ കൈയ്ക്ക് മുറിവേറ്റു. കഠിനംകുളം ശാന്തിപുരം ജോണ്‍ഹൗസില്‍ സാജന്‍ (19), ഇയാളുടെ സുഹൃത്തും കരുംകുളം പുല്ലുവിള പുതിയതുറ പുരയിടത്തില്‍ ഷിജോ സാമുവേല്‍(22) എന്നിവരെയാണ് എക്സൈസിന്റെ നെയ്യാറ്റിന്‍കര റെയ്ഞ്ചിലെ ഉദ്യോഗസ്ഥര്‍ അറസ്റ്റുചെയ്തത്.
സാജനാണ് ഉദ്യോഗസ്ഥനുനേരേ വാള്‍ വീശി ആക്രമിച്ചത്. ഇവരുടെ പക്കല്‍ നിന്ന് നാലുഗ്രാം എം.ഡി.എം.എ. മയക്കുമരുന്ന് കണ്ടെടുത്തു. പ്രതികളിലൊരാളായ ഷിജോ സാമുവേലിന്റെ സ്‌കൂട്ടര്‍ കസ്റ്റഡിയിലെടുത്തു.
എക്സൈസ് ഇന്‍സ്പെക്ടര്‍ അജീഷ് എല്‍.ആര്‍., പ്രിവന്റീവ് ഓഫീസര്‍ ഷാജു കെ., സിവില്‍ എക്സൈസ് ഓഫീസര്‍മാരായ ടോണി, ഉമാപതി, സതീഷ്‌കുമാര്‍, അനീഷ്, പ്രസന്നന്‍ എന്നിവരാണ് പ്രതികളെ അറസ്റ്റുചെയ്തത്. ഇവരെ കോടതിയില്‍ ഹാജരാക്കി റിമാന്‍ഡിലാക്കി.
"
https://www.facebook.com/Malayalivartha
