മോശമായ നാവ് അതിന്റെ ഇരയെക്കാള് അതിന്റെ ഉടമക്കാണ് കൂടുതല് പ്രയാസമുണ്ടാക്കുക; സുന്ദരിയായ സ്ത്രീ ആഭരണമാണെങ്കില്, സദ്വൃത്തയായ സ്ത്രീ നിധിയാണ്; മനസ്സ് സുന്ദരമായാല് കാണുന്നതെല്ലാം സുന്ദരമാകുമെന്ന് സന്തോഷ് പണ്ഡിറ്റ്
മോശമായ നാവ് അതിന്റെ ഇരയെക്കാള് അതിന്റെ ഉടമക്കാണ് കൂടുതല് പ്രയാസമുണ്ടാക്കുക. സുന്ദരിയായ സ്ത്രീ ആഭരണമാണെങ്കില്, സദ്വൃത്തയായ സ്ത്രീ നിധിയാണ്. മനസ്സ് സുന്ദരമായാല് കാണുന്നതെല്ലാം സുന്ദരമാകുമെന്ന് സന്തോഷ് പണ്ഡിറ്റ് . അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ വചനങ്ങളും, ബോധോദയങ്ങളും ... മനസ്സ് സുന്ദരമായാൽ കാണുന്നതെല്ലാം സുന്ദരമാകും...
പെരുമാറ്റരീതികളും, മനോഭാവങ്ങളും പൂന്തോട്ടത്തേക്കാള് മനോഹരമാവട്ടെ
സമയത്തെ ക്രമീകരിച്ചാല് ചെയ്യാനുള്ളതെല്ലാം ചെയ്യാന് കഴിയും. മഴയേക്കാള് ഉപകാരിയാവുക. ചന്ദ്രനേക്കാള് സൗന്ദര്യള്ളമുള്ളവരാകുക. നമ്മുടെ അലങ്കാരം സ്വര്ണ്ണമോ വെള്ളിയോ അല്ല, മറിച്ച് എളിമ, വിനയം, ക്ഷമ, ദയ, അറിവ് പരോപകാരം എന്നിവയാണ്. നിരാശയില് അകപ്പെട്ടാല് ഒന്നും പഠിക്കാനോ ഒന്നിലും
സന്തോഷം കണ്ടെത്താനോ കഴിയില്ല.
ആരോഗ്യകരമായ ശരീരത്തില് ചതി, വിദ്വേഷം, അസൂയ എന്നിവക്ക് സ്ഥാനമില്ല. നമ്മുടെ ചിന്തയാണ് നമ്മുടെ സ്വര്ണ്ണം, ധാര്മ്മികതയാണ് അലങ്കാരം, നല്ല പെരുമാറ്റമാണ് സമ്പത്ത്. കൊടുങ്കാറ്റിന്റെ നടുവിലും നല്ലതേ വരൂ എന്നു ചിന്തിക്കുക. ഉപദേശം കൊണ്ടും ദയയുള്ള വാക്കുകള്കൊണ്ടും നിങ്ങളെ സഹായിക്കാന് കഴിയുന്നവരോട് മാത്രം നിങ്ങളുടെ സങ്കടങ്ങള് പങ്കുവെക്കുക. വീണു പരിക്കേറ്റ കുഞ്ഞിനെ ഓര്ത്ത് കരഞ്ഞ് സമയം കളയരുത്.
അവന്റെ മുറിവുകള് വേഗം പരിചരിക്കുക. ഓരോ ദിവസവും പുതിയ തുടക്കമാവുക. ചെയ്യാന് കഴിയാത്ത കാര്യങ്ങളെ ഓര്ത്ത് വിഷമിക്കരുത്, മെച്ചപ്പെടുത്താന് കഴിയുന്ന കാര്യങ്ങള്ക്ക് സമയം കണ്ടെത്തുക. നമ്മുടേതു പോലെ എല്ലാവര്ക്കും പ്രശ്നങ്ങളുണ്ട് എന്ന് ഉള്ക്കൊള്ളുക. മനസ്സ് ശാന്തമാക്കുക. കഴിഞ്ഞ കാലത്ത് നമ്മള് തെറ്റു ചെയ്തിട്ടുണ്ടെങ്കില് അതില്നിന്ന് പാഠം ഉള്ക്കൊള്ളുക, എന്നിട്ട് അവയെ വിട്ടുകളയുക. ഏറ്റവും നീചമായ ശത്രുവാണ് നിരാശ, അതിന് മന:സ്സമാധാനം
നശിപ്പിക്കാനുള്ള കരുത്തുണ്ട്.
പോയ കാലത്തെ മാറ്റാന് നമുക്കാകില്ല. ഇനിയുള്ള കാലത്ത് എന്താണ് സംഭവിക്കുക എന്നും നമുക്കറിയില്ല, പിന്നെന്തിനാണ് നാം സങ്കടപ്പെടുന്നത്. ജീവിതം തന്നെ കുറച്ചേയുള്ളൂ. വിഷമിച്ചും, ദുഖിച്ചും പിന്നെയും പിന്നെയും ജീവിതത്തെ ചെറുതാക്കിക്കളയരുത്. മോശമായ നാവ് അതിന്റെ ഇരയെക്കാള് അതിന്റെ ഉടമക്കാണ് കൂടുതല് പ്രയാസമുണ്ടാക്കുക. സുന്ദരിയായ സ്ത്രീ ആഭരണമാണെങ്കില്, സദ്വൃത്തയായ സ്ത്രീ നിധിയാണ്. മനസ്സ് സുന്ദരമായാല് കാണുന്നതെല്ലാം സുന്ദരമാകും.
https://www.facebook.com/Malayalivartha
