കോണ്ഗ്രസിനെ വെല്ലുവിളിച്ച് വീണ്ടും.... പുറത്താക്കാന് കഴിയുമെങ്കില് പുറത്താക്കട്ടെ... മുഖ്യമന്ത്രിക്കൊപ്പം നാളെ കണ്വെന്ഷനില് പങ്കെടുക്കും , തൃക്കാക്കര ഉപതിരഞ്ഞെടുപ്പില് ഇടതുമുന്നണിക്ക് വേണ്ടി പ്രചാരണത്തിനിറങ്ങുമെന്ന് കോണ്ഗ്രസ് നേതാവ് കെ വി തോമസ്....
തൃക്കാക്കര ഉപതിരഞ്ഞെടുപ്പില് എല്ഡിഎഫിനെ പിന്തുണയ്ക്കുമെന്ന് കോണ്ഗ്രസ് നേതാവും മുന് കേന്ദ്ര മന്ത്രിയുമായ കെ.വി തോമസ്. നാളെ മുഖ്യമന്ത്രി പിണറായി വിജയന് ഉദ്ഘാടനം ചെയ്യുന്ന തൃക്കാക്കരയിലെ തിരഞ്ഞെടുപ്പ് കണ്വെന്ഷനില് പങ്കെടുക്കുമെന്നും കെ.വി തോമസ് പറഞ്ഞു..
തന്നെ കോണ്ഗ്രസ് പാര്ട്ടിയില് നിന്ന് പുറത്താക്കുന്നുവെങ്കില് പുറത്താക്കാനും കെ.വി തോമസ് വെല്ലുവിളിച്ചു. താന് മുഖ്യമന്ത്രിക്കൊപ്പം പരിപാടിയില് പങ്കെടുക്കുന്നതിനെ കുറ്റംപറയുന്നവര് മുന്പ് കരുണാകരന് ഇടതുമുന്നണിക്ക് ഒപ്പം പോയതും ഭരണത്തില് പങ്കാളികളായ ചരിത്രവും ഓര്മ്മിക്കണമെന്നും കെ.വി തോമസ് പറഞ്ഞു.
രമേശ് ചെന്നിത്തല മുഖ്യമന്ത്രിക്കൊപ്പം സമരത്തില് പങ്കെടുത്തപ്പോള് അത് തെറ്റാണെന്ന് അന്ന് കെപിസിസി പ്രസിഡന്റായിരുന്ന മുല്ലപ്പള്ളി അറിഞ്ഞില്ലേയെന്നും അദ്ദേഹം ചൂണ്ടിക്കാട്ടി.
തന്നെ നിരന്തരം വേട്ടയാടുകയാണ്. 2018 മുതലുള്ള സംഭവങ്ങളുടെ തുടര്ച്ചയാണിത്്. ഇപ്പോള് എല്ഡിഎഫിനെ പിന്തുണയ്ക്കുന്നത് രാഷ്ട്രീയം മാത്രമായി കാണേണ്ടതില്ല. വികസനമാണ് ചര്ച്ചാവിഷയമാകേണ്ടത്.
അക്കാര്യത്തില് ഒരുമിച്ചുനില്ക്കുന്നതിന് പകരം എല്ലാത്തിനേയും എതിര്ക്കുന്നത് നല്ലതല്ല. തന്നെ പുറത്താക്കാനുള്ള ശ്രമം 2018 മുതല് ആരംഭിച്ചതാണെന്നും തോമസ് പറഞ്ഞു.
തനൊരു കോണ്ഗ്രസുകാരനാണെന്നും തന്റെ കാഴ്ചപ്പാടും കോണ്ഗ്രസിന്റേതാണെന്നും തൃക്കാക്കരയില് ഇടതുപക്ഷത്തിന് ഒപ്പമാണെങ്കിലും താന് കോണ്ഗ്രസുകാരനായി തുടരുമെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
