കനത്ത മഴ... പെരിങ്ങല്കുത്ത് ഡാം തുറക്കാന് സാധ്യത.... ഡാമിലെ ജലനിരപ്പ് ഓറഞ്ച് അലര്ട്ട് ലെവലിലേക്ക് ഉയര്ന്നിട്ടുള്ളതിനാല് ഏതുസമയവും ഡാം തുറക്കാന് സാധ്യതയുണ്ടെന്ന് തൃശൂര് കളക്ടര്... സംസ്ഥാനത്ത് തുടര്ച്ചയായ അഞ്ചാം ദിവസവും കനത്ത മഴ തുടര്ന്നതോടെ ജനജീവിതം ദുരിതത്തില്, മധ്യകേരളത്തിലും വടക്കന് കേരളത്തിലും കനത്ത മഴ, കൊച്ചി നഗരത്തില് വെള്ളക്കെട്ട് രൂക്ഷം
കനത്ത മഴ... പെരിങ്ങല്കുത്ത് ഡാം തുറക്കാന് സാധ്യത.... ഡാമിലെ ജലനിരപ്പ് ഓറഞ്ച് അലര്ട്ട് ലെവലിലേക്ക് ഉയര്ന്നിട്ടുള്ളതിനാല് ഏതുസമയവും ഡാം തുറക്കാന് സാധ്യതയുണ്ടെന്ന് തൃശൂര് കളക്ടര്... സംസ്ഥാനത്ത് തുടര്ച്ചയായ അഞ്ചാം ദിവസവും കനത്ത മഴ തുടര്ന്നതോടെ ജനജീവിതം ദുരിതത്തില്, മധ്യകേരളത്തിലും വടക്കന് കേരളത്തിലും കനത്ത മഴ, കൊച്ചി നഗരത്തില് വെള്ളക്കെട്ട് രൂക്ഷം
അതിനിടെ എറണാകുളത്തും എറണാകുളത്തും തൃശൂരും മഴ ശക്തമായി തുടരുമെന്നാണ് മുന്നറിയിപ്പ്. അടുത്ത 3 മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് . എറണാകുളം, തൃശ്ശൂര് എന്നീ ജില്ലകളില് അതിശക്തമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് .
എറണാകുളത്തും തൃശൂരും ഇന്നലെ രാത്രി തുടങ്ങിയ മഴ ഇപ്പോഴും ശക്തമായി തുടരുകയാണ്. കനത്ത മഴയില് സംസ്ഥാനത്ത് ഒട്ടാകെ വ്യാപക നാശനഷ്ടമാണ് റിപ്പോര്ട്ടു ചെയ്യുന്നത്.
മാത്രവുമല്ല സംസ്ഥാനത്ത് തുടര്ച്ചയായ അഞ്ചാം ദിവസവും കനത്ത മഴ തുടര്ന്നതോടെ ജനജീവിതം ദുരിതത്തിലായിരിക്കുകയാണ്. നൂറുകണക്കിന് വീടുകളിലാണ് വെള്ളം കയറിയത്. കഴിഞ്ഞ ദിവസത്തെ ശക്തമായ മഴയില് വടക്കന് കേരളത്തിലാണ് വ്യാപക നാശനഷ്ടം.
കോഴിക്കോട് പയ്യാനക്കലില് നൂറോളം വീടുകളില് വെള്ളം കയറി. ആലപ്പുഴ ആറാട്ടുപുഴയില് കടല്ക്ഷോഭമുണ്ടായി. ആറാട്ടുപുഴ വലിയഴീക്കല് പാലത്തിന് സമീപമുള്ള പ്രദേശത്ത് കടല് കയറി. അപ്രോച്ച് റോഡിലും വെള്ളം കയറിയതോടെ ഗതാഗതം താറുമാറിലായി. കോട്ടയത്തിന്റെ മലയോര മേഖലയിലും ഇടുക്കിയിലും തിരുവനന്തപുരത്തുമെല്ലാം ശക്തമായ മഴയുണ്ടായി.
207 മില്ലീമീറ്റര് മഴ പെയ്ത കണ്ണൂര് ജില്ലയിലെ ചെറുതാഴത്താണ് സംസ്ഥാനത്ത് തന്നെ ഏറ്റവും കൂടുതല് മഴ കിട്ടിയത്. രണ്ട് ദിവസം കൂടി മഴ തുടരുമെന്നാണ് കാലാവസ്ഥാ പ്രവചനം. ദുരന്ത സാധ്യതാ പ്രദേശങ്ങളുടെ പട്ടിക അടിയന്തരമായി തയ്യാറാക്കാന് തദ്ദേശ സ്ഥാപനങ്ങള്ക്ക് മുഖ്യമന്ത്രി നിര്ദ്ദേശം നല്കിയിട്ടുണ്ട്. കേരളത്തിന് മുകളിലും സമീപത്തുമായി നിലനില്ക്കുന്ന ചക്രവാത ചുഴിയും വടക്കന് കേരളം മുതല് വിദര്ഭവരെ നീളുന്ന ന്യുനമര്ദ്ദ പാത്തിയുമാണ് മഴയ്ക്ക് കാരണം. മെയ് 22 (ഞായര്) വരെ ഒറ്റപ്പെട്ട ഇടങ്ങളില് ഇടിയോടുകൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് .
അടിയന്തര സാഹചര്യം നേരിടാന് സംസ്ഥാനത്ത് 24 മണിക്കൂറും പ്രവര്ത്തിക്കുന്ന പ്രത്യേക കണ്ട്രോള് റൂം തുറന്നു. 1077 എന്ന നമ്പറില് പൊതുജനങ്ങള്ക്ക് 24 മണിക്കൂറും ബന്ധപ്പെടാവുന്നതാണ്. എല്ലാ ജില്ലകളിലും കരുതല് നടപടികള് സ്വീകരിക്കാന് ജില്ലാ കലക്ടര്മാര്ക്ക് ചീഫ് സെക്രട്ടറി നിര്ദേശം നല്കി്.
പൊതുജനങ്ങള്ക്കുള്ള പ്രത്യേക നിര്ദേശങ്ങളിങ്ങനെ...
അതിശക്തമായ മഴ മുന്നറിയിപ്പുള്ള സാഹചര്യത്തില് അധികൃതരുടെ നിര്ദേശങ്ങള് അനുസരിച്ച് മാറിത്താമസിക്കേണ്ട ഇടങ്ങളില് അതിനോട് സഹകരിക്കേണ്ടതാണ്.വിവിധ തീരങ്ങളില് കടലാക്രമണം ശക്തമാകാന് സാധ്യതയുള്ളതിനാല് അപകട മേഖലകളില് താമസിക്കുന്നവര് ജാഗ്രത പാലിക്കണം. ആവശ്യമായ ഘട്ടത്തില് മാറി താമസിക്കണം. മല്സ്യബന്ധനോപധികള് സുരക്ഷിതമാക്കി വെക്കണം.
അടച്ചുറപ്പില്ലാത്ത വീടുകളില് താമസിക്കുന്നവരും മേല്ക്കൂര ശക്തമല്ലാത്ത വീടുകളില് താമസിക്കുന്നവരും വരും ദിവസങ്ങളിലെ മുന്നറിയിപ്പുകളുടെ അടിസ്ഥാനത്തില് സുരക്ഷയെ മുന്കരുതി മാറി താമസിക്കാന് തയ്യാറാവേണ്ടതാണ്.
സ്വകാര്യ-പൊതു ഇടങ്ങളില് അപകടവസ്ഥയില് നില്ക്കുന്ന മരങ്ങള്/പോസ്റ്റുകള്/ബോര്ഡുകള് തുടങ്ങിയവ സുരക്ഷിതമാക്കേണ്ടതും മരങ്ങള് കോതി ഒതുക്കുകയും ചെയ്യേണ്ടതാണ്. അപകടാവസ്ഥകള് അധികൃതരുടെ ശ്രദ്ധയില് പെടുത്തേണ്ടതാണ്.
ദുരിതാശ്വാസ ക്യാമ്പുകളിലേക്ക് മാറേണ്ടുന്ന ഘട്ടങ്ങളില് പൂര്ണ്ണമായും കോവിഡ് മാനദണ്ഡങ്ങള് പാലിക്കാന് തയ്യാറാവണം.
ദുരന്ത സാധ്യത മേഖലയിലുള്ളവര് ഒരു എമെര്ജന്സി കിറ്റ് അടിയന്തരമായി തയ്യാറാക്കി വെക്കേണ്ടതാണ്.ശക്തമായ മഴ പെയ്യുന്ന സാഹചര്യത്തില് ഒരു കാരണവശാലും നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീന്പിടിക്കാനോ മറ്റ് ആവശ്യങ്ങള്ക്കോ ഇറങ്ങാന് പാടുള്ളതല്ല.
പത്രം-പാല് വിതരണക്കാര് പോലെയുള്ള അതിരാവിലെ ജോലിക്ക് ഇറങ്ങുന്നവര് പ്രത്യേക ജാഗ്രത പാലിക്കണം. വഴികളിലെ വെള്ളക്കെട്ടുകളിലും മറ്റും വൈദ്യുതി ലൈന് പൊട്ടിവീണിട്ടില്ലെന്ന് ഉറപ്പാക്കാന് ശ്രമിക്കേണ്ടതാണ് . എന്തെങ്കിലും അപകടം സംശയിക്കുന്നപക്ഷം കണ്ട്രോള് റൂമില് അറിയിച്ച് അപകടം ഇല്ലെന്ന് ഉറപ്പ് വരുത്തി മാത്രം മുന്നോട്ട് പോകേണ്ടതാണ്.
ഇടിമിന്നല് വളരെയേറെ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കാറുണ്ട്. ആയതിനാല് പൊതുജനങ്ങള് വളരെ യധികം കരുതലെടുക്കേണ്ടതാണ്.
https://www.facebook.com/Malayalivartha
