കൊട്ടാരവും, അത് സ്ഥിതിചെയ്യുന്ന പരിസരത്തും സര്‍വ്വേ നടത്തണം... കര്‍ണാടകയിലെ ടിപ്പു സുല്‍ത്താന്റെ കൊട്ടാരം നിര്‍മ്മിച്ചത് ക്ഷേത്ര ഭൂമി കയ്യേറിയാണെന്ന് ഹിന്ദു ജനജാഗ്രതി സമിതി.

കര്‍ണാടകയിലെ ടിപ്പു സുല്‍ത്താന്റെ കൊട്ടാരം നിര്‍മ്മിച്ചത് ക്ഷേത്ര ഭൂമി കയ്യേറിയാണെന്ന് ഹിന്ദു ജനജാഗ്രതി സമിതി. കൊട്ടാരവും, അത് സ്ഥിതിചെയ്യുന്ന പരിസരത്തും സര്‍വ്വേ നടത്തണമെന്ന് ഹിന്ദു ജനജാഗ്രതി സമിതി വക്താവ് മോഹന്‍ ഗൗഡ ആവശ്യപ്പെട്ടു.

ടിപ്പുവിന്റെ കൊട്ടാരം നില്‍ക്കുന്ന ഭൂമി യഥാര്‍ത്ഥത്തില്‍ വെങ്കിട്ടരാമന്‍ ക്ഷേത്രത്തിന്റേതാണ്. 15ാം നൂറ്റാണ്ടില്‍ ചിക്കദേവരാജ വഡയാരാണ് വെങ്കിട്ടരാമന്‍ ക്ഷേത്രം പണികഴിപ്പിച്ചത്.

ടിപ്പുവിന്റെ ഭരണകാലത്ത് ഈ ഭൂമി കയ്യേറി. വേദങ്ങളും മറ്റും പഠിപ്പിച്ചിരുന്ന സ്ഥലമായിരുന്നു ഇതെന്നാണ് പൂര്‍വ്വികര്‍ പറയുന്നത്. ഹിന്ദു ജനജാഗ്രതി സമിതിയുടെ ഭാഗമായി ഇവിടെ സര്‍വ്വേ നടത്തണമെന്ന് ആവശ്യപ്പെടുന്നു. യഥാര്‍ത്ഥ ഉടമയ്ക്ക് സ്ഥലം തിരികെ നല്‍കണമെന്നും അദ്ദേഹം ആവശ്യപ്പെട്ടു.