കളിച്ചു കൊണ്ടിരിക്കെ വീടിന്റെ ഭിത്തി മറിഞ്ഞ് വീണ് അഞ്ചരവയസ്സുകാരന് ദാരുണാന്ത്യം. വീടിന്റെ ഭിത്തി മറിഞ്ഞുവീണാണ് അഞ്ചരവയസ്സുകാരന് ദാരുണാന്ത്യമുണ്ടായത്.

മുളപ്പുറം ഈന്തുങ്കല്‍ പരേതനായ ജെയ്സണിന്റെ മകന്‍ റയാന്‍ ജോര്‍ജ് ജെയ്സണ്‍ ആണ് മരിച്ചത്. മുളപ്പുറം അങ്കണവാടിയിലെ വിദ്യാര്‍ഥിയാണ്.

ഇന്നലെ ഉച്ചയ്ക്ക് രണ്ടുമണിക്കാണ് അപകടം നടന്നത്. പഴയ വീടിന്റെ മേല്‍ക്കൂര പൊളിച്ചുവിറ്റിരുന്നു. ഭിത്തി പൊളിച്ചുമാറ്റിയിരുന്നില്ല. കഴിഞ്ഞദിവസം പെയ്ത മഴയില്‍ കുതിര്‍ന്നുനിന്ന ഭിത്തി, ഇതിനുതാഴെ കളിച്ചുകൊണ്ടിരുന്ന കുട്ടിയുടെ ദേഹത്തേക്ക് ഇടിഞ്ഞുവീഴുകയായിരുന്നു.

കുട്ടിയെ മുതലക്കോടത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.