പാലപ്പോഴും നമ്മൾ പിലപിടിപ്പുള്ള പല സാധനങ്ങളും എവിടെയെങ്കിലും മറന്നുവെയ്ക്കുന്നത് പതിവാണ്. എന്നാൽ മാലിന്യത്തിൽ ഒരിക്കലും ഇത് വരാൻ വഴിയില്ല. ഇനി അബദ്ധവശാൽ എടുത്ത് ഇട്ടതാണോ എന്നൊന്നും വ്യക്തമല്ല.

കാർത്തികപ്പള്ളി പ‍ഞ്ചായത്ത് 11ാം വാർഡിലെ വീട്ടിൽ നിന്നു പ്ലാസ്റ്റിക് ശേഖരിക്കുന്നതിനിടെ ഹരിതകർമ സേനാംഗങ്ങൾക്ക് ഒരു വാച്ചും നവളയും അതിൽ കിടന്ന് കിട്ടി.വീട്ടിൽ നിന്നു പ്ലാസ്റ്റിക് ശേഖരിച്ച് അവിടെത്തന്നെ തരം തിരിക്കുമ്പോഴാണ് ഇത് ഇവരുടെ ശ്രദ്ധയിൽപ്പെടുന്നത്.

പ്ലാസ്റ്റിക് മാലിന്യത്തിൽ നിന്നു  ലഭിച്ച വാച്ചും ഒന്നര പവന്റെ വളയും വീട്ടമ്മയ്ക്ക് തിരികെ നൽകി ഹരിതകർമ സേന മാതൃകയായിരിക്കുകയാണ്. വളയും വാച്ചും കിട്ടിയപ്പോൾ തന്നെ വീട്ടുകാരെ ഏൽപിച്ചു. അബദ്ധത്തിൽ വളയും വാച്ചും പ്ലാസ്റ്റിക് മാലിന്യത്തിൽ അകപ്പെട്ടതാണെന്നു വീട്ടുകാർ പറഞ്ഞു.