വൃഷ്ടി പ്രദേശങ്ങളില് മഴ കനത്തു....മൂഴിയാര് ഡാമില് ജലനിരപ്പ് ഉയരുന്നു, ഡാം തുറന്നു വിടേണ്ടി വരുമെന്ന് ജില്ലാ ഭരണകൂടം, നദികളുടെ തീരത്ത് താമസിക്കുന്ന ആളുകളും പൊതുജനങ്ങളും സുരക്ഷ ഉറപ്പുവരുത്തേണ്ടതും നദികളില് ഇറങ്ങുന്നത് ഏതു സാഹചര്യത്തിലും ഒഴിവാക്കേണ്ടതാണെന്നും അധികൃതര്
വൃഷ്ടി പ്രദേശങ്ങളില് മഴ കനത്തു....മൂഴിയാര് ഡാമില് ജലനിരപ്പ് ഉയരുന്നു, ഡാം തുറന്നു വിടേണ്ടി വരുമെന്ന് ജില്ലാ ഭരണകൂടം. ജലനിരപ്പ് ഇതിലും അധീകരിച്ചാല് ഡാം തുറന്നു വിടേണ്ടി വരുമെന്ന് പത്തനംതിട്ട ജില്ലാ ദുരന്ത നിവാരണ അതോറിറ്റി ചെയര്പേഴ്സണ് കൂടിയായ കളക്ടര് ഡോ. ദിവ്യ എസ് അയ്യര്.
കെഎസ്ഇബി ലിമിറ്റഡിന്റെ ശബരിഗിരി ജലവൈദ്യുത പദ്ധതിയുടെ ഭാഗമായ മൂഴിയാര് റിസര്വോയറിന്റെ വൃഷ്ടി പ്രദേശങ്ങളില് കഴിഞ്ഞ ദിവസങ്ങളില് പെയ്ത മഴയുടെ ഫലമായും റീസര്വോയറിലേക്കുള്ള നീരൊഴുക്ക് ശക്തമായതിനാലും റിസര്വോയറിന്റെ അനുവദനീയമായ പരമാവധി ശേഷിയിലേക്കു ജലനിരപ്പ് എത്തിച്ചേര്ന്നു കൊണ്ടിരിക്കുന്നു.
ഇന്നലെ വൈകുന്നേരം ഇത് 192. 25 മീറ്ററില് എത്തി. റിസര്വോയറിന്റെ പരമാവധി ശേഷി 192.63 മീറ്ററാണ്. ഈ നിരപ്പിലേക്ക് വെള്ളം എത്തുമ്പോള് ഡാമിന്റെ മൂന്ന് ഷട്ടറുകള് പരമാവധി 30 സെന്റിമീറ്റര് വീതം ഉയര്ത്തി 51 കുമെക്സ് എന്ന നിരക്കില് ഏത് സമയത്തും കക്കാട്ടാറിലേക്ക് ഒഴുക്കി വിടുന്നതാണ്. ഇപ്രകാരം തുറന്നു വിടുന്ന ജലം ആങ്ങമൂഴി, സീതത്തോട് തുടങ്ങിയ സ്ഥലങ്ങളില് നദിയില് 15 സെന്റിമീറ്റര് വരെ ജല നിരപ്പ് ഉയര്ന്നേക്കാം.
അതിനാല് മൂഴിയാര് മുതല് കക്കാട്ടാര് വരെയുള്ളവരും നദിയുടെയും കക്കാട്ടാറിന്റെ ഇരുകരകളില് താമസിക്കുന്നവരും പൊതുജനങ്ങളും സുരക്ഷ ഉറപ്പുവരുത്തണമെന്നും ഡോ. ദിവ്യ എസ്. അയ്യര് . നദികളുടെ തീരത്ത് താമസിക്കുന്ന ആളുകളും പൊതുജനങ്ങളും സുരക്ഷ ഉറപ്പുവരുത്തേണ്ടതും നദികളില് ഇറങ്ങുന്നത് ഏതു സാഹചര്യത്തിലും ഒഴിവാക്കേണ്ടതാണ്.
"
https://www.facebook.com/Malayalivartha
