സിനിമാ രംഗങ്ങളെ വെല്ലും.... ജാമ്യവ്യവസ്ഥ ലംഘിച്ച് ഒളിവിലായിരുന്ന പോക്‌സോ കേസ് പ്രതിയെ പിന്തുടര്‍ന്നു പിടികൂടുന്നതിനിടെ പൊലീസ് ഉദ്യോഗസ്ഥരെ കാറിടിപ്പിച്ച് പരിക്കേല്‍പ്പിച്ചു.... പോക്‌സോ കേസ് പ്രതി പിടിയില്‍
സിനിമാ രംഗങ്ങളെ വെല്ലും.... ജാമ്യവ്യവസ്ഥ ലംഘിച്ച് ഒളിവിലായിരുന്ന പോക്‌സോ കേസ് പ്രതിയെ പിന്തുടര്‍ന്നു പിടികൂടുന്നതിനിടെ പൊലീസ് ഉദ്യോഗസ്ഥരെ കാറിടിപ്പിച്ച് പരിക്കേല്‍പ്പിച്ചു.... പോക്‌സോ കേസ് പ്രതി പിടിയില്‍
കൂത്താട്ടുകുളം പ്രിന്‍സിപ്പല്‍ എസ്‌ഐ ശാന്തി കെ ബാബു, എഎസ്‌ഐ ബിജു ജോണ്‍ ഉള്‍പ്പെടെ 5 പൊലീസ് ഉദ്യോഗസ്ഥര്‍ക്കാണ് പ്രതിയെ സാഹസികമായി പിടികൂടുന്നതിന് ഇടയില്‍ പരിക്കേറ്റത്. മുളക്കുളം അവര്‍ കാപ്പിക്കരയില്‍ ആകാശിനെ (24) പിടികൂടാന്‍ ശ്രമം നടക്കുന്നതിനിടയിലാണ് സിനിമാ രംഗങ്ങളെ അനുസ്മരിപ്പിക്കുന്ന സംഭവങ്ങളുണ്ടായത്.
2019ല്‍ കൂത്താട്ടുകുളം പൊലീസ് സ്റ്റേഷന്‍ പരിധിയില്‍ പതിനാലുകാരിയെ പീഡിപ്പിച്ച കേസില്‍ പ്രതി ജാമ്യത്തിലിറങ്ങിയിരുന്നു. എന്നാല്‍ മുളന്തുരുത്തിയില്‍ മറ്റൊരു ക്രിമിനല്‍ കേസിലും ഉള്‍പ്പെട്ടതോടെ ജാമ്യവ്യവസ്ഥ ലംഘിച്ചതിന്റെ പേരില്‍ കോടതി വാറന്റ് പുറപ്പെടുവിച്ചു.
ശാന്തി കെ ബാബുവിന്റെ നേതൃത്വത്തിലുള്ള സംഘം മൊബൈല്‍ ടവര്‍ ലൊക്കേഷന്‍ വിവരങ്ങളുടെ അടിസ്ഥാനത്തില്‍ പ്രതിയെ പിടികൂടാന്‍ പെരുവയിലേക്കു പുറപ്പെട്ടു. എന്നാല്‍ പൊലീസ് അടുത്തെത്തിയപ്പോഴേക്കും കാറില്‍ കടന്നു കളഞ്ഞ ആകാശിനെ പൊലീസ് പിന്തുടര്‍ന്നു. കാര്‍ തടഞ്ഞിട്ട് ജീപ്പില്‍ നിന്നിറങ്ങിയ എസ്‌ഐയെ ആകാശ് ഇടിച്ചു തെറിപ്പിച്ച് ശേഷം കാറില്‍ പാഞ്ഞു.
കണ്‍ട്രോള്‍ റൂമില്‍ വിവരം കിട്ടിയതോടെ രാമപുരം, പാലാ എന്നിവിടങ്ങളില്‍ നിന്ന് കൂടുതല്‍ പൊലീസ് വാഹനങ്ങള്‍ പ്രതിക്ക് പിന്നാലെ പാഞ്ഞു. രാമപുരത്തിനു സമീപത്തായി കൊണ്ടാട് മുക്കാനെല്ലിയില്‍ പൊലീസ് വാഹനങ്ങള്‍ തടസ്സം വച്ച് ആകാശിന്റെ കാര്‍ തടഞ്ഞു. എന്നാല്‍ കാര്‍ മുമ്പോട്ട് എടുത്ത് രക്ഷപെടാനായി ശ്രമിക്കുന്നതിനിടെ കാര്‍ പൊലീസ് ജീപ്പില്‍ ഇടിച്ചു. ഈ സമയത്താണ് മറ്റു പൊലീസുകാര്‍ക്ക് പരുക്കേറ്റത്.
"
https://www.facebook.com/Malayalivartha
