സുരക്ഷാവേലി മുറിച്ചു മാറ്റിയ നിലയില്‍.... കണ്ണൂരില്‍ മാങ്ങാട്ടുപറമ്പ് കെഎപി നാലാം ബറ്റാലിയന്‍ ആസ്ഥാനത്ത് നിന്നു ചന്ദനമരം മുറിച്ചു കടത്തി, മുഴുവന്‍ സമയവും പൊലീസ് സാന്നിധ്യമുണ്ടായിട്ടും ക്യാമ്പിലെ മരം മുറിച്ചുമാറ്റി കടത്തിയതില്‍ ഞെട്ടലോടെ പോലീസുകാര്‍....
സുരക്ഷാവേലി മുറിച്ചു മാറ്റിയ നിലയില്‍.... കണ്ണൂരില്‍ മാങ്ങാട്ടുപറമ്പ് കെഎപി നാലാം ബറ്റാലിയന്‍ ആസ്ഥാനത്ത് നിന്നു ചന്ദനമരം മുറിച്ചു കടത്തി, മുഴുവന്‍ സമയവും പൊലീസ് സാന്നിധ്യമുണ്ടായിട്ടും ക്യാമ്പിലെ മരം മുറിച്ചുമാറ്റി കടത്തിയതില്‍ ഞെട്ടലോടെ പോലീസുകാര്‍....
30 സെന്റിമീറ്ററിലേറെ വണ്ണമുള്ള മരം മുറിച്ചതായി കെഎപി അധികൃതര്‍ കണ്ണപുരം പൊലീസില്‍ പരാതിപ്പെട്ടു. കണ്ണൂര്‍ സര്‍വകലാശാല റോഡിനോട് ചേര്‍ന്നു പൊലീസ് പരേഡ് ഗ്രൗണ്ടിനും കെഎപി ഡിസ്പന്‍സറിക്കും ഇടയിലുള്ള മരമാണ് മുറിച്ചു മാറ്റിയിരിക്കുന്നത്.
ഇന്നലെ രാവിലെ മരത്തിന്റെ കുറ്റി മാത്രം ബാക്കിയാക്കി വച്ച നിലയില്‍ കണ്ടതോടെയാണ് മോഷണം അധികൃതരുടെ ശ്രദ്ധയില്‍പ്പെടുന്നത്. പരാതിയെ തുടര്‍ന്നു വൈകുന്നേരത്തോടെ കണ്ണപുരം പൊലീസ് ക്യാംപിലെത്തി അന്വേഷണം നടത്തി. മരക്കുറ്റി പൊതുജനങ്ങളുടെ ശ്രദ്ധയില്‍പെടാതിരിക്കാനായി ഇപ്പോള്‍ പ്ലാസ്റ്റിക് ഷീറ്റ് കൊണ്ടു മറച്ചുവച്ചിരിക്കുന്നു.
രാത്രി വാഹനത്തിലെത്തിയ സംഘം വാള്‍ ഉപയോഗിച്ചു മരം മുറിച്ചു കടത്തിയെന്നാണ് പ്രാഥമിക നിഗമനത്തിലുള്ളത്. ഒരാള്‍ക്ക് മാത്രം കടക്കാനുള്ള നിലയില്‍ കമ്പിവേലി മുറിച്ചു നീക്കിയിട്ടുണ്ട്. വര്‍ഷങ്ങള്‍ക്ക് മുന്‍പും ക്യാംപില്‍ ചന്ദനമരം കവര്‍ച്ച നടന്നെങ്കിലും ആരെയും പിടികൂടാനായിട്ടില്ല. പൊലീസ് ക്യാംപില്‍ ചന്ദനമടക്കം വിലയേറിയ നൂറുകണക്കിന് മരങ്ങളുണ്ട്.
ദേശീയപാതയോടു ചേര്‍ന്നുള്ള കെഎപി ഗേറ്റില്‍ മാത്രമേ രാത്രി പാറാവുകാര്‍ ഉണ്ടാവുകയുള്ളൂ. എന്നാല്‍ റൂറല്‍ പൊലീസ് ആസ്ഥാനം കൂടി ക്യാംപിനോടു ചേര്‍ന്നു പ്രവര്‍ത്തിക്കുന്നതിനാല്‍ ഇപ്പോള്‍ മുഴുവന്‍ സമയവും പൊലീസ് സാന്നിധ്യവുമുണ്ടാകും. എന്നിട്ടും മരം കടത്തിയതിന്റെ ഞെട്ടലിലാണ് പോലീസുകാര്‍.
"
https://www.facebook.com/Malayalivartha
