പതിനാറുകാരിയെ നിരന്തര പീഡനത്തിനിരയാക്കിയ പോക്സോ കേസ്... ഇരുകാലുകളും സ്വാധീനമില്ലാത്ത 38 കാരന് 10 വര്ഷം തടവും അമ്പതിനായിരം രൂപ പിഴയും, 60% ഡിസബിലിറ്റി സര്ട്ടിഫിക്കറ്റും പ്രതിയുടെ രക്ഷക്കെത്തിയില്ല
പതിനാറുകാരിയെ നിരന്തര ലൈംഗിക പീഡനത്തിനിരയാക്കിയ പോക്സോ കേസില് ഇരുകാലുകളും സ്വാധീനമില്ലാത്ത 60% ഡിസബിലിറ്റിയുള്ള ഭിന്നശേഷിക്കാരനായ 38 കാരന് 10 വര്ഷം കഠിന തടവും അമ്പതിനായിരം രൂപ പിഴയും ശിക്ഷ വിധിച്ചു.
തലസ്ഥാന ജില്ലയിലെ പ്രിന്സിപ്പല് പോക്സോ കോടതി ജഡ്ജി എം.പി. ഷിബുവാണ് പ്രതിക്ക് ശിക്ഷ വിധിച്ചത്. ഇരകള്ക്കുള്ള നഷ്ടപരിഹാര ഫണ്ടില് നിന്ന് പെണ്കുട്ടിയുടെ ഭാവി നന്മക്കായി മതിയായ തുക ലഭ്യമാക്കാന് ജില്ലാ ലീഗല് സര്വ്വീസ് അതോറിറ്റിക്കും കോടതി നിര്ദ്ദേശം നല്കി.
2020 ലാണ് കേസിനാസ്പദമായ സംഭവം നടന്നത്. ഇരുകാലുകളും സ്വാധീനമില്ലാത്ത പ്രതിക്ക് സഹായിയായി ചെന്ന 16 കാരിയെ നിരന്തരം ലൈംഗികമായി പീഡിപ്പിച്ചെന്നാണ് കേസ്. പ്രതി ഹാജരാക്കിയ 60% ഡിസബിലിറ്റി സര്ട്ടിഫിക്കറ്റും പ്രതിയുടെ രക്ഷക്കെത്തിയില്ല.
കുറ്റത്തിന്റെ സ്വഭാവം , രീതി , ഗൗരവം , ഇരയുടെ പ്രായമായ16 വയസ്സ് , നിസ്സഹായവസ്ഥയുടെ ചൂഷണം തുടങ്ങിയ വസ്തുതകള് പരിഗണിക്കുമ്പോള് പ്രതി യാതൊരു ദയയും അര്ഹിക്കുന്നില്ല. നല്ല നടപ്പു നിയമത്തിന്റെ ഔദാര്യത്തിനര്ഹതയില്ലെന്നും കോടതി വിധിന്യായത്തില് ചൂണ്ടിക്കാട്ടി.
https://www.facebook.com/Malayalivartha