മലയാളികളുടെ പ്രിയപ്പെട്ട നടൻ മധു ഇപ്പോൾ സോഷ്യൽ മീഡിയകളിൽ വളരെ ശ്രദ്ധേയനായി മാറിയിരിക്കുകയാണ്. അദ്ദേഹത്തെ നടൻ മോഹൻലാൽ ഫോണിൽ വിളിച്ച് സംസാരിച്ചിരിക്കുകയാണ്. പ്രായത്തിന്റേതായ പ്രശ്നം വല്ലതും ഉണ്ടോ എന്ന് മോഹൻലാൽ ചോദിച്ചു.

ഐ ആം പെർഫക്ടലി ഓൾ റൈറ്റ് എന്നായിരുന്നു മധു പറഞ്ഞത്. തലസ്ഥാനത്ത് എത്തിയ മോഹൻലാൽ വൈകിട്ട് പ്രിയ നടൻ മധുവിനെ കണ്ണമ്മൂലയിലെത്തി കണ്ടിരുന്നു. വീട്ടിൽലെത്തിയ മോഹൻലാലിനെ പുഞ്ചിരിയോടെ മധു സ്വീകരിച്ചു. കണ്ണുകളിറുക്കി ചിരിച്ച് മോഹൻലാൽ അദ്ദേഹത്തിന്റെ കരം പിടിക്കുകയും ചെയ്തു.

പിന്നെ ലാൽ സംസാരിച്ചുതുടങ്ങിയത് മധുവിന്റെ ആരോഗ്യത്തെക്കുറിച്ചായിരുന്നു. ലാൽ ആദ്യമായി സംവിധാനം ചെയ്യുന്ന ബറോസിലെ വിശേഷങ്ങളറിയാനായിരുന്നു മധുവിന് തിടുക്കം. സിനിമ ഏതാണ്ട് പൂർത്തിയായതായും അവസാന വട്ട ഷൂട്ടിംഗിനായി പോർച്ചുഗലിലേക്ക് പോകുന്ന കാര്യവും മോഹൻലാൽ പറഞ്ഞു.

ഇടയ്ക്ക് ലാലിന്റെ മകൻ പ്രണവിനെ കുറിച്ചായി സംസാരം. ഹൃദയത്തിൽ പ്രണവ് കലക്കിയെന്ന് മധു. യാത്രകൾ പ്രണവിന് ത്രില്ലാണെന്നും ഇപ്പോഴും യാത്രയിലാണെന്നും ലാൽ പറഞ്ഞു.വൈകിട്ട് നാലോടെ എത്തിയ മോഹൻലാൽ മുക്കാൽ മണിക്കൂറോളം സംസാരിച്ചിരുന്നു. ഇടയ്ക്ക് ഗ്രീൻ ടീ മധു നൽകിയത് ലാൽ ആസ്വദിച്ച് കുടിച്ചു. പിന്നെ ഒരുമിച്ച് ഏതാനും ഫോട്ടോകൾ എടുത്തു. ഉടനെ തന്നെ ഒപ്പം അഭിനയിക്കാനാകുമെന്ന് ആശംസിച്ചാണ് മോഹൻലാൽ യാത്രയായത്.