തെരുവിലൂടെ അർദ്ധനഗ്നനായി നടന്ന യുവാവിന് കനത്ത പിഴ ചുമത്തിയിരിക്കുകയാണ് ബഹ്‌റൈൻ. യുവാവിനെ ലഹരി വിമുക്ത കേന്ദ്രത്തിലേക്ക് മാറ്റാൻ ബഹ്റൈൻ കോടതി ഉത്തരവിടുകയുണ്ടായി. ലഹരി ഉപയോഗിച്ച് തിരക്കുള്ള തെരുവിലൂടെ അർദ്ധനഗ്നനായി നടന്ന യുവാവിന് ഹൈ ക്രിമിനൽ കോടതി കനത്ത പിഴയും ചുമത്തുകയുണ്ടായി.

അതേസമയം തൻ്റെ വീടിനു പുറത്ത് തെരുവിലൂടെ അർദ്ധനഗ്നനായി നടക്കുമ്പോഴാണ് പൊലീസ് ഇയാളെ അറസ്റ്റ് ചെയ്തതെന്ന് വഴിയാത്രക്കാർ മാധ്യമങ്ങളോട് വ്യക്തമാക്കുകയുണ്ടായി. വിവരമറിയിച്ചതിനെ തുടർന്ന്, പൊലീസ് സ്ഥലത്തെത്തുകയാണ് ചെയ്തത്. ഇയാളെ അവിടെനിന്ന് മാറ്റാൻ പൊലീസ് ശ്രമിച്ചെങ്കിലും വഴങ്ങാതിരുന്ന യുവാവ് പൊലീസിനെ ആക്രമിക്കുകയും ചെയ്തു. ബലം പ്രയോഗിച്ച് പൊലീസ് ഇയാളെ അറസ്റ്റ് ചെയ്യുകയുണ്ടായി.

ഇതേതുടർന്ന്, നടത്തിയ പരിശോധനയിൽ ഇയാൾ ലഹരി ഉപയോഗിച്ചതായി തെളിയുകയുണ്ടായി. ലഹരി ഉപയോഗത്തിനും പൊലീസുകാരെ ആക്രമിച്ചതിനും ഇയാൾക്കെതിരെ കേസെടുക്കുകയും ചെയ്യുകയായിരുന്നു. തുടർന്നാണ് പോലീസ് ഇയാളെ കോടതിയിൽ ഹാജരാക്കിയത്.