മലപ്പുറത്ത് മാതള നാരങ്ങയുടെ അല്ലി തൊണ്ടയിൽ കുടുങ്ങി 10 മാസം പ്രായമുള്ള കുഞ്ഞിന് ദാരുണാന്ത്യം.നിലമ്പൂര്‍ അമരമ്പലത്താണ് സംഭവം. അമരമ്പലം സ്വദേശി കൂറ്റമ്പാറ ചേറായി വള്ളിക്കാടന്‍ ഫൈസലിന്റെ മകള്‍ ഫാത്തിമ ഫര്‍സിനാണ് മരിച്ചത്.

കുഞ്ഞിന് കഴിക്കാന്‍ നല്‍കിയ മാതള നാരങ്ങയുടെ അല്ലി തൊണ്ടയില്‍ കുടുങ്ങുകയായിരുന്നു. ഇതോടെ കുഞ്ഞിന് ശ്വാസതടസം നേരിടുകയായിരുന്നുവെന്നും ബന്ധുക്കള്‍ പറയുന്നു. ഉടന്‍ തന്നെ നിലമ്പൂര്‍ ജില്ലാ ആശുപത്രിയില്‍ എത്തിച്ചെങ്കിലും കുഞ്ഞിന്റെ ജീവന്‍ രക്ഷിക്കാന്‍ കഴിഞ്ഞില്ല.