ബിഗ്‌ബോസ് വീട്ടിൽ നിന്നും വിനയ് പുറത്തായതിനെ കുറിച്ച് തന്റെ അഭിപ്രായം രേഖപ്പെടുത്തി നടി അശ്വതി. അശ്വതിയുടെ ബിഗ്‌ബോസ് റിവ്യൂ ഇങ്ങനെ; വിനയ്... ഉള്ളത് തുറന്നു പറഞ്ഞാൽ, റോൺസൺ പോകുമെന്നാണ് ഞാൻ പ്രതീക്ഷിച്ചതു. അത് റോൺസനോടുള്ള ദേഷ്യം ഒന്നുമല്ല ഇനി അത് പറഞ്ഞുണ്ടാക്കരുത് . റോൺസൺ ടാസ്കിൽ എല്ലാം നല്ല പ്രകടനം ആണെങ്കിലും പുള്ളിക്ക് അവിടെ നിൽക്കാൻ താൽപ്പര്യമില്ല എന്ന് നാഴികക്ക് നാൽപതു വട്ടവും പറഞ്ഞും പ്രവർത്തിച്ചും നടക്കുന്നത് കൊണ്ടാണ് .

മാത്രവുമല്ല എത്രയോപേർ കൊതിക്കുന്ന ഇത്രയും വലിയൊരു അവസരം ലഭിച്ചിട്ടും അതിന് ഒരു പ്രാധാന്യം നൽകുന്നില്ല അല്ലെങ്കിൽ വില നൽകുന്നില്ല, ഒരു കാര്യങ്ങൾക്കും BB ഷോയ്ക്കു വേണ്ടിയ രീതിയിൽ ഒരു പ്രതികരണവും ഇല്ലാതെ നിൽക്കുന്ന പോലൊക്കെ ഒരു പ്രേക്ഷക എന്ന നിലക്ക് എനിക്ക് തോന്നിപ്പോയിരുന്നു. അതിനാൽ തന്നെയാണ് റോൺസൺ ഈ ആഴ്ച എവിക്ട് ആകണമെന്നും കരുതിയത്.

പക്ഷെ വിനയ് അങ്ങനെ ആയിരുന്നില്ല. ടാസ്കുകളിൽ വലിയ കഴിവ് കാണിക്കാൻ കഴിഞ്ഞില്ലെങ്കിലും ഒരു BB ഇലമെന്റ് ഉള്ള ഒരു വ്യക്തിയായും അവിടെ പിടിച്ചു നിൽക്കാൻ ഒരുപാട് ആഗ്രഹം ഉള്ളതായും തോന്നിയിരുന്നു . പ്രതികരിക്കുന്ന കാര്യത്തിലും പിറകിൽ ആണെന്ന് പറയാൻ പറ്റില്ല. പക്ഷെ പല ഘടകങ്ങൾ ഉണ്ടല്ലോ അല്ലേ .. Anyway Congrats വിനയ് നിങ്ങളുടെ കൊട്ടും പാട്ടും ഞാൻ വളരെ അധികം ആസ്വദിച്ചിരുന്നു . wild card എൻട്രി ആയി വന്നു ഇത്രയും ദിവസം പിടിച്ചു നിന്നു.. ഇനി മുന്നോട്ടും നല്ലൊരു ഭാവി ഉണ്ടാകട്ടെ എന്ന് ആശംസിക്കുന്നു.