അര്‍ധരാത്രി വീട്ടില്‍ അതിക്രമിച്ചുകടന്ന് ലൈംഗികാതിക്രമം, ഒളിവില്‍ക്കഴിഞ്ഞിരുന്ന അറുപത്തിയൊന്നുകാരൻ പി‌‌ടിയിൽ
22 JUNE 2022 02:48 PM IST
മലയാളി വാര്‍ത്ത
കൊല്ലത്ത് ലൈംഗികാതിക്രമം കാട്ടിയെന്ന കേസില്‍ അറുപത്തിയൊന്നുകാരൻ പി‌‌ടിയിൽ. ജോനകപ്പുറം മുസ്ലിം കോളനി-551ല്‍ ജോണ്‍സണാണ് പിടിയിലായത്. ഇയാൾ അര്‍ധരാത്രി വീട്ടില്‍ അതിക്രമിച്ച് കടന്ന് ലൈംഗികാതിക്രമം കാട്ടിയെന്നാണ് പരാതി.
പള്ളിത്തോട്ടം പോലീസ് സ്റ്റേഷനില് നല്‍കിയ പരാതിയുടെ അടിസ്ഥാനത്തിലാണ് ഇയാൾക്കെതിരെ കേസെടുത്തത്. ബന്ധുവീടുകളിലും മറ്റും കഴിഞ്ഞിരുന്ന പ്രതിയെ സിറ്റി സൈബര്‍ സെല്ലിന്റെ സഹായത്തോടെയാണ് പോലീസ് പിടികൂടിയത്.
സ്റ്റേഷന്‍ ഇന്‍സ്‌പെക്ടര്‍ ആര്‍.ഫയാസിന്റെ നേതൃത്വത്തില്‍ എസ്.ഐ.മാരായ സുകേഷ്, അനില്‍ ബേസില്‍, ഹിലാരിയോസ്, ജി.എ.എസ്.ഐ. കൃഷ്ണകുമാര്‍, സുനില്‍കുമാര്‍, എസ്.സി.പി.ഒ. ഷാനവാസ്, ശ്രീജിത്ത് എന്നിവരടങ്ങിയ സംഘമാണ് പ്രതിയെ അറസ്റ്റു ചെയ്തത്. ഇയാളെ റിമാന്‍ഡ് ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
