കേസ് പിന്‍വലിക്കാന്‍ ആത്മഹത്യാഭീഷണിമുഴക്കിയ യുവാവിന് വീണ്ടും പണി കിട്ടി...
കേസ് പിന്‍വലിക്കാന്‍ ആത്മഹത്യാഭീഷണിമുഴക്കിയ യുവാവിന് വീണ്ടും പണി കിട്ടി. ഷൈജുവിനെതിരെ ബേക്കല്‍ സ്‌റ്റേഷന്‍ പരിധിയില്‍ മാത്രം എടിഎം കവര്‍ച്ച, മോഷണം, അടിപിടി ഉള്‍പ്പടെ ഒമ്ബത് കേസുകളാണ് നിലവിലുള്ളത്. ഇതില്‍ പലതും കള്ളക്കേസായിരുന്നു എന്നാണ് ഷൈജു ആരോപിക്കുന്നത്.
തനിക്കെതിരെയുള്ള കേസ് പിന്‍വലിക്കാണമെന്നാവശ്യപ്പെട്ട് മൊബൈല്‍ ടവറില്‍ കയറി ആത്മഹത്യാഭീഷണി മുഴക്കിയ യുവാവിനെതിരെ വീണ്ടും കേസെടുത്ത് പൊലീസ്. അതിക്രമിച്ചുകയറല്‍, ആത്മഹത്യാശ്രമം, പൊതുജനങ്ങള്‍ക്ക് ബുദ്ധിമുട്ട് സൃഷ്ടിക്കല്‍ എന്നീ വകുപ്പുകള്‍ ചുമത്തിയാണ് പാലക്കുന്ന് സ്വദേശി ഷൈജുവിനെതിരെ ബേക്കല്‍ പൊലീസ് പുതിയ കേസെടുത്തത്.
ഷൈജുവിനെതിരെ ബേക്കല്‍ സ്‌റ്റേഷന്‍ പരിധിയില്‍ മാത്രം എടിഎം കവര്‍ച്ച, മോഷണം, അടിപിടി ഉള്‍പ്പടെ ഒമ്ബത് കേസുകളാണ് നിലവിലുള്ളത്. ഇതില്‍ പലതും കള്ളക്കേസായിരുന്നു എന്നാണ് ഷൈജു ആരോപിക്കുന്നത്. ഇതിന് പുറമെയാണ് ചൊവ്വാഴ്ച നടന്ന സംഭവത്തിന്റെ പശ്ചാത്തലത്തില്‍ പുതിയ കേസ് കൂടി രജിസ്റ്റര്‍ ചെയ്തത്. അതേസമയം, ഇയാള്‍ക്കെതിരെ നിലവിലുള്ള കേസുകള്‍ കൃത്യമായ തെളിവുകളുടെ അടിസ്ഥാനത്തിലാണെന്നാണ് പൊലീസിന്റെ വിശദീകരണം. പുതിയ കേസില്‍ കസ്റ്റഡിയിലെടുത്ത ഷൈജുവിനെ ജാമ്യത്തില്‍ വിട്ടു.
https://www.facebook.com/Malayalivartha
