മുന്‍ ധനകാര്യ മന്ത്രിയും സിപിഐ(എം) സംസ്ഥാന സെക്രട്ടേറിയറ്റ് അംഗവുമായിരുന്ന ടി. ശിവദാസ മേനോന്റെ നിര്യാണത്തില്‍ ആരോഗ്യ വകുപ്പ് മന്ത്രി വീണാ ജോര്‍ജ് അനുശോചിച്ചു. അദ്ദേഹത്തിന്റെ വേര്‍പാട് അങ്ങേയറ്റം ദു:ഖകരമാണ്. ജനകീയ ഇടപെടലുകളിലൂടെ ജനമനസുകളില്‍ സ്ഥാനം നേടിയ നേതാവായിരുന്നു ടി. ശിവദാസ മേനോന്‍.

സംഘടനാ രംഗത്തും ഭരണ രംഗത്തും ശിവദാസ മേനോന്റെ വ്യക്തിമുദ്ര എല്ലാക്കാലത്തും ഓര്‍മ്മിക്കപ്പെടും എന്ന കാര്യം ഉറപ്പാണ്. നിലപാടിലേയും വാക്കുകളിലേയും വ്യക്തത കൊണ്ട് അദ്ദേഹം ശ്രദ്ധേയനായിരുന്നു എന്നും മന്ത്രി അനുസ്മരിച്ചു.