ലോകകപ്പ്‌ ഫുട്‌ബോൾ യോഗ്യതാ റ‍ൗണ്ടിൽ ക്രിസ്‌റ്റ്യാനോ റൊണാൾഡോയുടെ പോർച്ചുഗലിനെ ഞെട്ടിച്ച് അയർലൻഡ്. റൊണാൾഡോ ചുവപ്പ് കാർഡ് കണ്ട് പുറത്തായ മത്സരത്തിൽ മറുപടിയില്ലാത്ത രണ്ട് ​ഗോളിനാണ് അയർലൻഡ് പോർച്ചു​ഗലിനെ തോൽപ്പിച്ചത്.

ഇതോടെ ലോകകപ്പ് ​യോ​ഗ്യതയ്ക്കായി ടീം ഇനിയും കാത്തിരിക്കേണ്ടതായുണ്ട്. ഗ്രൂപ്പ്‌ എഫിലെ ഒന്നാംസ്ഥാനക്കാരായ പോർച്ചുഗലിന്‌ അയർലൻഡിനെ കീഴടക്കിയാൽ ​യോ​ഗ്യത നേടാമായിരുന്നു.

കഴിഞ്ഞ നാലു മത്സരത്തിലും ​തോൽവി അറിയാതെ എത്തിയ ടീം അനായാസ വിജയം നേടുമെന്ന് കരുതി. എന്നാൽ പോർച്ചുഗലിനെ നേരിടാൻ അയർഡൻ‍ഡ് സജ്ജമായിരുന്നു.

കളിയുടെ 17-ാം മിനിറ്റിൽ തന്നെ ഐറിഷ് ടീം ലീഡ് നേടി. ഒന്നാം പകുതി അവസാനിക്കാനിരിക്കെ 45-ാം മിനിറ്റിലായിരുന്നു രണ്ടാം ​ഗോൾ. ട്രോയ് പാരറ്റാണ് ടീമിനായി ഇരു​ഗോളുകളും നേടിയത്. പന്തടക്കവും ​ഗോളിനായിള്ള ഷോർട്ടുകളുടെ എണ്ണത്തിലുമെല്ലാം പോർച്ചു​ഗൽ മുന്നിട്ടു നിന്നെങ്കിലും ​ഗോൾ മാത്രം കണ്ടെത്താൻ കഴിഞ്ഞില്ല. രണ്ടാം പകുതിയിൽ 61-ാം മിനിറ്റിലാണ് സൂപ്പർതാരം ക്രിസ്‌റ്റ്യാനോ ചുവപ്പ് കാർഡ് കണ്ട് പുറത്തായത്. പോർച്ചു​ഗലിനായി 226 മത്സരം ​കളിച്ച റൊണാൾഡോയുടെ ആദ്യ ചുവപ്പ് കാർഡാണിത്.