കസേര ഉടന് തെറിക്കും? പിണറായിക്ക് പേടി. കേരളത്തിലുടനീളം സ്പെഷ്യല് ഓപ്പറേഷന് വാചകങ്ങള് ജില്ലാ കമ്മറ്റി എഴുതി നല്കും
വിവാദങ്ങളില് പെട്ട് ഉഴലുന്ന. മുഖ്യമന്ത്രിക്കു പ്രതിരോധം തീര്ക്കാന് പ്രചാരണ വാചകങ്ങള് എഴുതിയ ഫ്ലെക്സുകളുമായി സിപിഎം. പ്രധാനമായും തലസ്ഥാനത്തെ തെരുവോരങ്ങളിലാണ് ഇപ്പോള് ഫ്ലക്സുകള് ഉയര്ന്നുനില്ക്കുന്നത്. ജില്ലാ കമ്മിറ്റിയാണ് ഫ്ലെക്സ് ബോര്ഡുകളില് വരേണ്ട പ്രചാരണ വാചകങ്ങള് താഴെതലത്തിലുളള കമ്മിറ്റികള്ക്ക് നല്കിയത്.
ഫ്ലെക്സ് ബോര്ഡുകള് ഏകീകൃത രൂപത്തിലുള്ളതാവണമെന്നും ജില്ലാ കമ്മിറ്റി വ്യക്തമാക്കിയിരുന്നു. ഫ്ലെക്സില് ഉപയോഗിക്കുന്ന മുഖ്യമന്ത്രിയുടെ ഫോട്ടോകള് ഏതാവണമെന്നും നിര്ദേശം നല്കിയിരുന്നു. മുഖ്യമന്ത്രി പിണറായി വിജയന്റെ ഫോട്ടോ മാത്രമാണ് ഫ്ലെക്സുകളില് ഉപയോഗിച്ചത്. രണ്ടു വാചകങ്ങളാണ് പ്രചാരണത്തിനുള്ള ഫ്ലക്സില് പ്രധാനമായും ഉപയോഗിക്കാന് ജില്ലാ കമ്മിറ്റികള് കൈമാറിയത്. 'രാഷ്ട്രീയ സൂര്യ തേജസിനെതിരെ നായ്ക്കളുടെ കൂട്ടക്കുര.', 'ഇല്ലാ..തകര്ക്കാന് പറ്റില്ല ഈ ചൈതന്യത്തെ', ' മടിയില് കനമുള്ളവനേ വഴിയില് പേടിക്കേണ്ടൂ... ആ ഒരു ധൈര്യം തന്നെയാണ് ഇതേവരെ എന്റെ ജീവിതത്തില് ഉണ്ടായിട്ടുള്ളത്. ഇനിയങ്ങോട്ടുമുള്ളത്. അവിടെ തന്നെയാണ് ഞാന് നില്ക്കുന്നത്.' ഇതില് രണ്ടാമത്തെ വാചകം മുഖ്യമന്ത്രിയുടെ പ്രസംഗത്തില് നിന്ന് എടുത്തതാണ്.
തിരുവനന്തപുരം ജില്ലാ കമ്മിറ്റി, വിവിധ ലോക്കല് കമ്മിറ്റികള്, സിപിഎം പോഷകസംഘടനകള് തുടങ്ങിയവയുടെ പേരിലാണ് ഫ്ലെക്സുകള്. ജില്ലാ കമ്മിറ്റി നിര്ദേശിക്കുന്ന പ്രചാരണ വാചകങ്ങളാകണം ഫ്ലെക്സുകളില് ഉപയോഗിക്കേണ്ടതെന്നും നിര്ദേശിച്ചിരുന്നു. തിരുവനന്തപുരം നഗരത്തിലും മറ്റും ഇത്തരത്തില് സ്ഥാപിച്ച ഫ്ലെക്സുകളിലെ വാചകങ്ങളാണ് കഴിഞ്ഞ ദിവസം നിയമസഭയില് നടന്ന അടിയന്തര പ്രമേയ ചര്ച്ചയ്ക്കിടെ ചില പ്രതിപക്ഷാംഗങ്ങള് സര്ക്കാരിനെതിരെ ഉയര്ത്തിയതും. ഫ്ലെക്സുകളിലേക്ക് നല്കിയ ഒന്നാമത്തെ വാചകത്തിനെതിരെ പ്രാദേശിക ഘടകങ്ങളില് വിയോജിപ്പുണ്ടായെങ്കിലും ജില്ലാ കമ്മിറ്റിയുടെ തീരുമാനം നടപ്പിലാക്കണമെന്നായിരുന്നു നേതൃത്വത്തിന്റെ കര്ശന നിര്ദേശം. നഗരത്തിലെ എല്ലാ പ്രധാന സ്ഥലങ്ങളിലും ഫ്ലെക്സുകള് സ്ഥാപിച്ചിട്ടുണ്ട്. ലോക്കല് കമ്മിറ്റികള്ക്ക് ഫ്ലെക്സുകള് സ്ഥാപിക്കാന് ക്വാട്ടയും നിശ്ചയിച്ചു. 'നീയൊന്നും ഒരു ചുക്കും ചെയ്യില്ല, ഇവിടെ ഭരിക്കുന്നത് ഇടതു പക്ഷമാണ്' എന്ന വാചകം ഉയര്ത്തിയ ഫെക്സും ചിലയിടങ്ങളില് കാണാം.
ക്ലിഫ് ഹൗസില് സന്ദര്ശനം നടത്തിയിട്ടുണ്ടെന്നും മുഖ്യമന്ത്രിയുമായും കുടുംബവുമായും ചര്ച്ച ചെയ്തു നിരവധി കാര്യങ്ങളില് തീരുമാനം എടുത്തിട്ടുണ്ടെന്നുമായിരുന്നു സ്വപ്നയുടെ ആരോപണം. മകളുടെ ബിസിനസ് ആവശ്യത്തിനായി മുഖ്യമന്ത്രി ഷാര്ജാ ഭരണാധികാരിയുമായി അടച്ചിട്ട മുറിയില് ചര്ച്ച നടത്തിയെന്നും സ്വപ്ന ആരോപിച്ചിരുന്നു.
സര്ക്കാരിനെതിരെ പ്രതിപക്ഷ പ്രതിഷേധം ശക്തമായതോടെ പ്രാദേശിക വിഷയങ്ങള് ഉയര്ത്തിക്കാട്ടിയുള്ള സമരങ്ങള് ശക്തിപ്പെടുത്താനും ലോക്കല് കമ്മിറ്റികള്ക്ക് നിര്ദേശം നല്കി. കൂടുതല് ജനകീയ ഇടപെടല് നടത്താനും ഭവന സന്ദര്ശനങ്ങള് കാര്യക്ഷമമാക്കാനും നിര്ദേശമുണ്ട്. മുഖ്യമന്ത്രിയുമായും കുടുംബവുമായും ബന്ധപ്പെട്ട് സ്വപ്ന സുരേഷ് ആരോപണങ്ങള് ഉന്നയിച്ചതോടെയാണ് പ്രതിരോധം ശക്തിപ്പെടുത്താന് സംസ്ഥാന നേതൃത്വം തീരുമാനിച്ചത്.
https://www.facebook.com/Malayalivartha
