ഇന്നലെ രാത്രി എരുമേലി ഫോറെസ്റ്റ് ഓഫീസിനു സമീപം ഭാരത് പെട്രോൾ പമ്പിന് മുമ്പിൽ വാഹനാപകടം നടന്നിരുന്നു.ആ അപകടത്തിൽ പെട്ട് ചികിത്സയിലായിരുന്ന രണ്ടാമത്തെ യുവാവും മരിച്ചു . പ്ലാച്ചേരി സ്വദേശി രാഹുൽ സുരേന്ദ്രനാണ് മരിച്ചത് .ഇന്നോവയുമായുണ്ടായ ഇടിയുടെ ആഘാതത്തിൽ പൊ​​ന്ത​​ൻ​​പു​​ഴ വ​​ള​​കൊ​​ടി ച​​തു​​പ്പ് സ്വ​​ദേ​​ശി പാ​​ക്കാ​​നം വീ​​ട്ടി​​ൽ ശ്യാം ​​സ​​ന്തോ​​ഷ് (29)സംഭവ സ്ഥലത്ത് വച്ച് തന്നെ മരണപ്പെട്ടിരുന്നു .

ഗുരുതരമായി പരുക്കേറ്റ രാഹുലിനെ കോട്ടയം മെഡിക്കൽ കോളേജിൽ വെന്റിലേറ്ററിൽ പ്രവേശിപ്പിച്ചിരിക്കുകയായിരുന്നു . രാത്രി പതിനൊന്നുമണിയോടെ രാഹുലും(23 ) മരിച്ചു. കരിങ്കൽ കെട്ട് പണിക്കാരായിരുന്നു മരണപ്പെട്ട യുവാക്കൾ. പൊൻ കുന്നത്ത് അപകടത്തിൽ പെട്ട യമഹ ആർ 15 എന്ന ബൈക്കിന്റെ ലോൺ അടക്കുവാൻ ഉച്ചക്ക് പണി നിറുത്തി പോയതായിരുന്നു . ഇന്നലെ രാത്രി ഒമ്പതുമണിയോടെ എരുമേലി റാന്നി സംസ്ഥാനപാതയിലാണ് അപകടം നടന്നത് .

റാന്നി നിലക്കൽ ഭദ്രാസനം ബിഷപ്പ് യാത്ര ചെയ്തിരുന്ന ഇന്നോവയും പ്ലാച്ചേരി സ്വദേശികൾ സഞ്ചരിച്ചിരുന്ന ബൈക്കും തമ്മിലാണ് കൂട്ടിയിടിച്ചത്. ഇന്നോവയിലേക്ക് ഇടിച്ചു കയറിയ നിലയിലായിരുന്നു ബൈക്ക്. ശ്യാമിന്റെ മൃതദേഹം കാഞ്ഞിരപ്പള്ളി താലൂക്ക് ആശുപത്രിയിൽ മോർച്ചറിയിൽ. രാഹുലിന്റേത് കോട്ടയം മെഡിക്കൽ കോളേജിലും . എരുമേലി പോലീസ് മേൽനടപടികൾ സ്വീകരിച്ചു .ബുധൻ രാത്രി 9 .15 നാണ് അപകടം നടന്നത്.