കഴക്കൂട്ടത്ത് ഗൃഹനാഥന് മരിച്ച സംഭവത്തില് ആക്രിക്കാരനായ പ്രതി പോലീസ് പിടിയില്.... കൊല്ലത്തു നിന്നാണ് ഇയാള് പിടിയിലായത്, ഇന്നലെയായിരുന്നു വിജയകുമാറിന്റെ ചവിട്ടേറ്റ് ഭുവനചന്ദ്രന് മരിച്ചത്
കഴക്കൂട്ടത്ത് ഗൃഹനാഥന് മരിച്ച സംഭവത്തില് ആക്രിക്കാരനായ പ്രതി പോലീസ് പിടിയില്.... കൊല്ലത്തു നിന്നാണ് ഇയാള് പിടിയിലായത്, ഇന്നലെയായിരുന്നു വിജയകുമാറിന്റെ ചവിട്ടേറ്റ് ഭുവനചന്ദ്രന്(65) മരിച്ചത്.
സംഭവത്തിന് തൊട്ടു മുന്പ് ഭുവനചന്ദ്രനും ആക്രിക്കാരനായ വിജയകുമാറും തമ്മില് വാക്കുതര്ക്കമുണ്ടായിരുന്നു. ഇതിനിടെ വിജയകുമാര് ഭുവനചന്ദ്രനെ ചവിട്ടുകയായിരുന്നു. ആന്തരീക രക്തസ്രാവമാണ് മരണകാരണമെന്നാണ് പ്രാഥമിക നിഗമനത്തിലുള്ളത്.
അതേസമയം കഴക്കൂട്ടത്ത് ഇന്നലെ രാവിലെ പത്തരയോടെയാണ് സംഭവം നടന്നത്. ഭുവനചന്ദ്രന് ഒരു വീട്ടില് ജോലി ചെയ്തുകൊണ്ടിരിക്കെ ഈ വീടിന് സമീപമുള്ള കടയില് മറ്റൊരാളുമായി സംസാരിക്കുന്നതിനിടെയാണ് ആക്രിക്കാരനുമായി തര്ക്കമുണ്ടായത്.
ഭുവനചന്ദ്രന് നില്ക്കുന്നതിന് സമീപത്തായി ആക്രിക്കാരന് തുപ്പിയത് ചോദ്യം ചെയ്തതോടെയാണ് രണ്ടുപേരും തമ്മില് വാക്കുതര്ക്കമുണ്ടായതെന്ന് ദൃക്സാക്ഷി പറഞ്ഞു.
തര്ക്കത്തിനിടെ ആക്രിക്കാരന് ഭുവനചന്ദ്രന്റെ വയറിന് അടിഭാഗത്തായി ചവിട്ടി . ശക്തമായ ചവിട്ടേറ്റ് നിലത്തുവീണ ഭുവനചന്ദ്രനെ ചുറ്റുംകൂടിയ ആളുകളാണ് കഴക്കൂട്ടത്തെ ഒരു സ്വകാര്യ ആശുപത്രിയിലെത്തിച്ചത്. പിന്നീട് തിരുവനന്തപുരം മെഡിക്കല് കോളേജ് ആശുപത്രിയിലും പ്രവേശിച്ചു. ഇവിടെവച്ചാണ് ജീവന് നഷ്ടമായത്.
ഭുവനചന്ദ്രന് നേരത്തെ കരളിന് ശസ്ത്രക്രിയ കഴിഞ്ഞ് തുടര്ചികിത്സയിലായിരുന്നു. വയറിനേറ്റ ചവിട്ട് ആന്തരിക രക്തസ്രാവത്തിന് കാരണമായിട്ടുണ്ടെന്നാണ് പ്രാഥമിക നിഗമനത്തിലുള്ളത്.
" f
https://www.facebook.com/Malayalivartha